OMG / હાફ પ્લેટ ચિકનનું બિલ આવ્યું 5500, કારણ પૂછ્યું તો સ્ટાફ બોલ્યો કે 'મરઘીઓ ક્લાસિકલ ગીતો સાંભળ છે'

દેશ અને દુનિયામાંથી દરરોજ અનેક ચોંકાવનારી ઘટનાઓ પ્રકાશમાં આવે છે. ક્યારેક તો એવી એવી ઘટના સામે આવે છે કે તેના પર વિશ્વાસ કરવો મુશ્કેલ બની જાય છે. તમારામાંથી ઘણા લોકો ઘણીવાર રેસ્ટોરન્ટમાં નોન-વેજ ખાવા જતા હશે, પરંતુ જો કોઈ તમારા ટેબલ પર હાફ પ્લેટ ચિકન માટે 5,000 રૂપિયાનું બિલ મૂકે તો તમને ખરેખર આઘાત લાગશે. ચીનના શાંઘાઈ શહેરના એક રેસ્ટોરન્ટમાં એક માણસ સાથે પણ આવું જ કંઈક બન્યું. આ રેસ્ટોરન્ટમાં હાફ પ્લેટ ચિકનની કિંમત 480 યુઆન છે કારણ કે રેસ્ટોરન્ટ સ્ટાફનો દાવો છે કે આ ચિકન ગીતો સંભળાવીને અને દૂધ પીવડાવીને ઉછેરવામાં આવે છે.

SCMP ના અહેવાલ મુજબ, શાંઘાઈના એક રેસ્ટોરન્ટમાં હાફ પ્લેટ ચિકન 480 યુઆનમાં વેચાઈ રહ્યું હતું. આ ભારે કિંમતને યોગ્ય ઠેરવવા માટે સ્ટાફે દાવો કર્યો કે મરઘીઓને શાસ્ત્રીય સંગીત સંભળાવવામાં આવે છે અને દૂધ પીવડાવવામાં આવ્યું હતું. 14 માર્ચના રોજ, એક પ્રભાવશાળી વ્યક્તિએ શાંઘાઈ ક્લબ રેસ્ટોરન્ટનો એક વીડિયો પોસ્ટ કર્યો, જ્યાં તે ચિકન ડીશની કિંમત જોઈને ચોંકી ગયો. જ્યારે તેણે રેસ્ટોરન્ટ સ્ટાફને આ મોંઘી પ્લેટ પાછળનું કારણ પૂછ્યું, ત્યારે સ્ટાફે તેને કહ્યું કે આ મરઘી એક અલગ જાતિની છે, જેને સનફ્લાવર ચિકન તરીકે ઓળખવામાં આવે છે. આ જાતિના ચિકન ગુઆંગડોંગ નામના સ્થળે આવેલા એક ફાર્મમાંથી લાવવામાં આવે છે.

ચિકનમાં શું ખાસ છે?

ફાર્મના ઓનલાઈન વર્ણન મુજબ, સૂર્યમુખી મરઘીઓને સૂર્યમુખીના થડ અને ઝાંખા ફૂલોમાંથી કાઢેલો રસ પીવડાવવામાં આવે છે. આ જાતિનું ચિકન તેની કોમળતા અને અદ્ભુત સ્વાદ માટે રસોઈયાઓમાં પ્રખ્યાત છે. સૂર્યમુખી ચિકનને પ્રીમિયમ ગણવામાં આવે છે, જેની કિંમત પ્રતિ કિલોગ્રામ 200 યુઆન (રૂ. 2,300) થી વધુ છે. રેસ્ટોરન્ટમાં આખા ચિકનની કિંમત 1,000 યુઆનથી વધુ છે. સ્થાનિક મીડિયા દ્વારા સંપર્ક કરવામાં આવતા રેસ્ટોરન્ટના એક સ્ટાફ સભ્યએ જણાવ્યું કે સૂર્યમુખી ચિકનને શાસ્ત્રીય સંગીત સંભળાવવામાં આવે છે.

વધુ વાંચો : માલદાર બુઢ્ઢાની તલાશમાં છોકરી, ટૂંકા કપડાંમાં ટ્રક પાછળ છપાવી જાહેરખબર, મોબાઈલ નંબર આપ્યો

જોકે પ્રભાવક વાનગીના પૈસા ચૂકવવા તૈયાર હતો, પરંતુ તેણે ખોટા દાવાઓ પર નિરાશા વ્યક્ત કરી, સ્ટાફને કહ્યું, હું કિંમત સ્વીકારી શકું છું, પરંતુ બનાવટી સ્ટોરીઓ નહીં. આ ઘટના ઝડપથી વાયરલ થઈ ગઈ, જેના કારણે ઓનલાઈન રેસ્ટોરન્ટની ભારે મજાક ઉડાવવામાં આવી રહી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ