Breastfeeding Week / માતાના ધાવણના ડબલ ફાયદા, કેન્સરની સાથે આ બધી ગંભીર બીમારીથી પણ બચાવશે સ્તનપાન

દર વર્ષે 1 થી 7 ઓગસ્ટ વિશ્વ સ્તનપાન સપ્તાહ તરીકે ઉજવવામાં આવે છે, વિશ્વ સ્તનપાન સપ્તાહની શરૂઆત વર્ષ 1992માં થઈ હતી. જેનો ઉદ્દેશ્ય માતાઓને સ્તનપાનના મહત્વ વિશે શિક્ષિત કરવાનો છે. સ્તનપાન માત્ર બાળક માટે જ ફાયદાકારક નથી, પરંતુ તેનાથી માતાને ઘણા શારીરિક અને માનસિક ફાયદા પણ થાય છે. માતાનું દૂધ બાળક માટે અમૃત સમાન માનવામાં આવે છે. આ દરેક રીતે બાળકના યોગ્ય વિકાસમાં મદદ કરે છે, પરંતુ તેની સાથે એ જાણવું પણ જરૂરી છે કે સ્તનપાન માટે શાંતિપૂર્ણ અને સકારાત્મક વાતાવરણ હોવું જોઈએ.

સ્તનપાન નવી માતાઓ માટે એક એવી પ્રક્રિયા છે, જેના કારણે તેમને શરૂઆતમાં ઘણી સમસ્યાઓનો સામનો કરવો પડે છે અને કેટલીકવાર આ હતાશાનું કારણ પણ બની શકે છે. પ્રસૂતિ પછી નવી માતા ઘણા તબક્કાઓમાંથી પસાર થાય છે. પોસ્ટપાર્ટમ ડિપ્રેશન, બાળક સાથે જોડાણનો અભાવ, બાળકના ઉછેરની ચિંતા, આ બધી બાબતો સ્તનપાનની પ્રક્રિયાને અસર કરી શકે છે. આવી સ્થિતિમાં જીવનસાથીની સાથે પરિવારનો સહયોગ જરૂરી છે. સમર્થન અને પ્રોત્સાહન જાદુ જેવું કામ કરે છે.

સ્તનપાનના ફાયદા

આરોગ્ય અને તંદુરસ્તી

માતાનું દૂધ એન્ટિબોડીઝ અને એન્ઝાઇમ્સ સાથે આવશ્યક પોષણ પૂરું પાડે છે, જે બાળકના વિકાસમાં મદદ કરે છે. તેનો આઈક્યુ પણ વધે છે.

ભાવનાત્મક જોડાણ વધારે

સ્તનપાન માતા અને બાળક વચ્ચે ભાવનાત્મક જોડાણ વધારે છે.

રોગોનું જોખમ ઘટાડેે

સ્તનપાન બાળક તેમજ માતાને ઘણા ગંભીર ચેપ, એલર્જી અને ક્રોનિક રોગોથી બચાવે છે. સ્તનપાન માતાના ગર્ભાશયને ડિલિવરી પછી તેનો આકાર પાછો મેળવવામાં મદદ કરે છે.

વધુ વાંચો : આ લક્ષણોને ગંભીરતાથી લેજો, સ્ટ્રેસથી નાની ઉંમરમાં જ યુવાઓ બને છે હાઈપરટેન્શનનો શિકાર

વજન ઘટાડવામાં મદદરૂપ

સ્તનપાન પછી વજન નિયંત્રિત કરવામાં મદદ કરે છે. સ્તનપાનને દૂધ ઉત્પાદન માટે વધારાની ઊર્જા અને કેલરીની જરૂર પડે છે.