અમિત પંઘાલને ટાઇટલ મુકાબલામાં ઉઝબેકિસ્તાનના શાખોબિદિન જોઇરોવ સામે હારનો સામનો કરવો પડ્યો. ફાઇનલમાં પંઘાલને ઓલિમ્પિક ચેમ્પિયન વિરુદ્ધ એકતરફી નિર્ણયથી હારનો સામનો કરવો પડ્યો. પંઘાલે પહેલા જ ઓલિમ્પિક માટે ક્વોટા હાંસલ કરી લીધો છે.
અમિત પંઘાલ આ પહેલા કઝાકિસ્તાનના સાકેન બિબોસિનોવને હરાવીને ચેમ્પિયનશિપની ફાઇનલમાં પહોંચનાર પહેલા ભારતીય પુરુષ બોક્સર બન્યા. ઉઝબેકિસ્થાનના શાખોબિદિન જોઇરોવે ફ્રાન્સના બિલાલ બેનામાને હરાવી ફાઇનલમાં જગ્યા બનાવી હતી. 26 વર્ષના જોઇરોવે 2016માં રિયો ઓલિમ્પિક ગેમ્સના 52 કિગ્રા કેટેગરીમાં ગોલ્ડ જીત્યો હતો.
Silver for AMIT!🥈
A historic outing for 🇮🇳as the #AIBAWorldBoxingChampionships campaign comes to an end with a Silver and a Bronze Medal. First time ever, India will come home with two medals and a Silver for the first time won by #AmitPanghal.
ભારતીય બોક્સર પહેલા રાઉન્ડમાં ડિફેન્સિવ અંદાજમાં રમતો જોવા મળ્યો હતો. બીજા રાઉન્ડમાં તક ઉભી કરવાનો પ્રયાસ કર્યો અને આક્રમકતા દર્શાવી. ત્રીજા અને અંતિમ રાઉન્ડમાં જોઇરોવે સારા પંચ માર્યા. જોઇરોવના પક્ષમાં જ અંતે નિર્ણય આવ્યો અને તે ગોલ્ડ મેડલ જીતવામાં સફળ રહ્યો.
પહેલા 49 કિગ્રા કેટેગરીમાં દર્શાવ્યું શાનદાર પ્રદર્શન
ભારતીય બોક્સિંગમાં પંઘાલના ઉપર ચઢવાનો ગ્રાફ શાનદાર રહ્યો છે. જેની શરૂઆત 2017 એશિયાઇ ચેમ્પિયનશિપમાં 49 કિગ્રા વર્ગમાં બ્રોન્ઝ મેડલથી થઇ હતી. તેમણે બુલ્ગારિયામાં પ્રતિષ્ઠિત સ્ટ્રેન્ડલા મેમોરિયલમાં ગોલ્ડ જીત્યો હતો. તે 2018માં એશિયન ચેમ્પિયન બન્યો હતો. આ વર્ષે તેમણે એશિયન ચેમ્પિયનશિપનો ગોલ્ડ પોતાના નામે કર્યો હતો. ત્યારબાદ 49 કિગ્રાના ઓલિમ્પિક કાર્યક્રમથી હટ્યા બાદ 52 કિગ્રામાં રમવાનો નિર્ણય લીધો હતો.
આ વર્ષનો બીજો મેડલ
ભારતે ક્યારેક વર્લ્ડ ચેમ્પિયનશિપના એક ચરણમાં એકથી વધારે મેડળ હાંસલ કર્યા નહોતા, પરંતુ પંઘાલ અને મનીષ કૌશિક (63 કિગ્રા) તેમા બદલાવ લાવ્યા. પંઘાલના સિલ્વર પહેલા મનીષે તેમના વર્ગમાં બ્રોન્ઝ મેડલ જીત્યો. એમની પહેલા વિજેન્દર સિંહ (2009), વિકાસ કૃષ્ણ (2011), શિવ થાપા (2015) અને ગૌરવ બિધુડી (2017)એ વર્લ્ડ ચેમ્પિયનશિપમાં બ્રોન્ઝ મેડલ જીત્યો હતો.