મદદ / કોરોના જંગ લડવા માટે વર્લ્ડ બેંકે ભારતને કરી આટલી મદદ, પાકિસ્તાનને પણ 20 કરોડ ડોલર

• કોરોના સામે લડવા ભારતને મળી મોટી મદદ
• વર્લ્ડ બેંક ભારતને કરશે 1 અબજ ડોલરની સહાય
• વર્લ્ડ બેંક પાકિસ્તાનને પણ કરશે મદદ

વર્લ્ડ બેન્કના એક્ઝિક્યુટિવ ડિરેક્ટર્સે વિશ્વના વિકાસશીલ દેશો માટે ઇમરજન્સી સહાયના પ્રથમ સેટને મંજૂરી આપી હતી, ત્યારબાદ વર્લ્ડ બેંકે કહ્યું હતું કે, "ભારતમાં એક અબજ ડોલર કરતા વધારે કટોકટી આર્થિક સહાય, સ્ક્રીનિંગ, સંપર્કો, પ્રયોગશાળા તપાસ, વ્યક્તિગત રક્ષણાત્મક સાધનો ખરીદવા અને નવા અલગ વોર્ડ બનાવવાની સહાય કરશે. દક્ષિણ એશિયામાં વિશ્વ બેંકે પાકિસ્તાનને માટે 20 કરોડ ડોલર, અફઘાનિસ્તાનને માટે 10 કરોડ ડોલર, માલદીવ માટે 73 લાખ ડોલર અને શ્રીલંકા માટે 12.86 કરોડ ડોલરની મદદની મંજૂરી આપી છે. 

વિશ્વ બેંકે કહ્યું છે કે તેણે વૈશ્વિક કોરોના વાયરસના પ્રભાવથી બહાર આવવા દેશની મદદ કરવા માટે 15 મહિનાના આધારે 160 અરબ ડોલરની મદદની જાહેરાત કરી છે અને મંજૂરી પણ આપી છે.