હવામાન / દુનિયાના સૌથી ગરમ 15 શહેરોની યાદી જાહેર, તમામ ભારતના

આ યાદી અનુસાર, મધ્યપ્રદેશનું ખરગોન 46.46 ડિગ્રી તાપમાન સાથે પ્રથમ સ્થાને છે. મહારાષ્ટ્રના વિદર્ભનું અકોલા 46.4 ડિગ્રી સેલ્સિઅસ સાથે બીજા  નંબરે રહ્યુ. વેબસાઈટે બહાર પાડેલા 15 શહેરની યાદીમાંથી નવ શહેર મહારાષ્ટ્રના, 3 મધ્ય પ્રદેશના શહેરો, 2 ઉત્તર પ્રદેશના શહેરો તથા 1 તેલંગાણાનું છે.

45.2 ડિગ્રી તાપમાન સાથે મહારાષ્ટ્રનું નાગપુર શહેર દુનિયાનું સૌથી નવમુ ગરમ શહેર હતુ. વામાન વિભાગના જણાવ્યા પ્રમાણે શહેરે સીઝનની સૌથી વધારે ગરમીનો રેકોર્ડ તોડ્યો છે. સાથે જ તે રાજ્યનું છઠ્ઠુ સૌથી ગરમ શહેર રહ્યું. જ્યાંનું તાપમાન સામાન્ય તાપમાન કરતા 3 ડિગ્રી વધારે્ હતુ. વિદર્ભના અન્ય શહેરોનું તાપમાન પણ 45 ડિગ્રી સેલ્સિઅલ કરતાં વધારે રહ્યુ હતુ. જેમાં અમ્રાવતીમાં 45.4, બ્રહ્માપુરીમાં 45.8, ચંદ્રાપુરમાં 45.6 અને વર્ધામાં 45.7 ડિગ્રી સેલ્સિયસ તાપમાન  હતુ. 

તમને જણાવી દઇએ કે, મહારાષ્ટ્રના ચંદ્રપુરમાં આવેલા એનજીઓ હેબિટાટ કન્ઝર્વેશન સોસાયટી (HCS)ના જણાવ્યા પ્રમાણે કાળઝાળ ગરમીના કારણે શહેરની 15 કિમી દૂર આવેલા તળાવમાં પક્ષીઓના મોત થયા છે. 
 

હવામાન વિભાગે કહ્યું કે આગામી બે દિવસ સુધી ગરમીની ગંભીર સ્થિતિ રહી શકે છે. તેથી લોકોને બપોરના સમયગાળા દરમિયાન ઘર બહાર ન નીકળવા અપીલ કરી છે. ''લાંબા સમય સુધી ગરમીમાં રહેવાના કારણે નાના બાળકો, વૃદ્ઘો તેમજ દર્દીઓના સ્વાસ્થ્ય સંબંધિત બિમારીઓ થવાનો ખતરો વધારે રહે છે, જેથી તરસ ન લાગે તો પણ વધારે માત્રામાં પાણી પીવુ જોઇએ.''