અમેરિકાના રાષ્ટ્રપતિ ડોનાલ્ડ ટ્રમ્પની ભારત મુલાકાતનો આજે બીજો દિવસ છે. ટ્રમ્પને આજે સવારે રાષ્ટ્રપતિ ભવન ખાતે ગાર્ડ ઓફ ઓનર આપવામાં આવ્યું. ત્યારબાદ ટ્રમ્પે મહાત્મા ગાંધીજીને રાજઘાટ પર જઇ શ્રદ્ધાંજલિ અપી. હૈદરાબાદ હાઉસ ખાતે PM મોદી સાથે દ્વીપક્ષીય બેઠક યોજાઇ હતી. જેમાં ડિફેન્સ ડીલ પર મહોર લાગી છે. જ્યારે ટ્રેડ ડિલ પર વાતચીત શરૂ થશે.
અમેરિકાના રાષ્ટ્રપતિ ડોનાલ્ડ ટ્રમ્પ અને ભારતના પ્રધાનમંત્રી નરેન્દ્ર મોદી સંયુક્ત પત્રકાર પરિષદ યોજી. જેમાં પીએમ મોદીએ કહ્યું કે રાષ્ટ્રપતિ ટ્રમ્પ અને તેમના પ્રતિનિધિમંડળનું ભારતમાં સ્વાગત છે. મને વિશેષ આનંદ છે કે આ પ્રવાસમાં તેઓ તેમના પરિવાર સાથે આવ્યાં.
પીએમ મોદીએ કહ્યું ગઇકાલનું અમદાવાદ ખાતેનું સ્વાગત હંમેશા યાદ રખાશે. 8 મહિનમાં ટ્રમ્પ સાથે આ પાંચમી મુલાકાત છે. ભારત-અમેરિકાના સંબંધ નવી ઉંચાઇ પર પહોંચ્યાં છે. અત્યાધુનિક રક્ષા ઉપકરણોમાં વધારો થયો છે.
ભારતીય સેના સૌથી વધારે યુદ્ધાભ્યાસ અમેરિકાની સાથે કરી રહી છે. આજે હોમલેન્ડ સિક્યુરિટી પર નિર્ણય લેવામાં આવ્યો છે. ભારત અને અમેરિકા વચ્ચે હોમ લેન્ડ કરાર કરવામાં આવ્યો છે. ડ્રગ્સ અને નાર્કો ટેરેરિઝન પર સહમતિ સાધવામાં આવી છે.
આ પૂર્વે PM મોદીએ કહ્યું હતું કે ડ્રગ, નાર્કો, આતંકવાદ જેવી ગંભીર સમસ્યા અંગે એક નવી ટેકનીક પર પણ ચર્ચા થઈ છે. આ સાથે જ આતંકવાદને સમર્થન આપનારને જવાબદાર ઠેરવવા માટે પ્રયાસો તેજ કરવાનો નિર્ણય લીધો છે. પીએમ મોદીએ કહ્યું કે ઓઈલ અને ગેસ માટે અમેરિકા ભારત માટે મહત્વનું સ્ત્રોત છે. પીએમ મોદીએ કહ્યું કે વૈશ્વિક સ્તરે ભારત અને અમેરિકાનો સહયોગ આપણા લોકતાંત્રિક મૂલ્યો અને ઉદ્દેશ્ય પર આધારિત છે.
અમેરિકાના રાષ્ટ્રપતિ ડોનાલ્ડ ટ્રમ્પે PM નરેન્દ્ર મોદી સાથે દ્વિપક્ષીય વાતચીત કરી. ત્યાર બાદ ડોનાલ્ડ ટ્રમ્પે કહ્યું કે ગુજરાતમાં શાનદાર સ્વાગત થયું અને હંમેશા યાદ રહેશે. ટ્રમ્પે કહ્યું કે સાબરમતી આશ્રમ, રાજઘાટ અને તાજમહેલ જોઈને ઘણી ખુશી થઈ. ટ્રમ્પે કહ્યું કે PM મોદી સાથે આર્થિક મુદ્દાઓ પર ચર્ચા થઈ છે.
અમેરિકા સાથે થયેલા હેલિકોપ્ટર સમજૂતીથી ભારતની તાકાત વધશે. આ સાથે જ કહ્યું કે ભારત આતંકવાદ વિરુદ્ધ મજબૂતીથી લડશે. ટ્રમ્પે વધુમાં કહ્યું કે ભારત સાથે અમેરિકા પણ આગળ કામ કરવા ઈચ્છુક છે. નશાના વેપાર વિરુદ્ધ અમેરિકા ભારતની સાથે છે. ભારત અને અમેરિકા વચ્ચે આર્થિક ભાગીદારી પણ વધારીશું. ટ્રમ્પે આતંકવાદ મામલે પણ પાકિસ્તાનનો ઘેરાવ કર્યો અને કહ્યું કે પાકિસ્તાને આતંકવાદ પર સકંજો કસવો પડશે.