ઓછા પગારનો વિરોધ નોંધાવવા માટે એક શખ્સે અનોખી રીત અપનાવી. તે તેનો રહેવાનો સામાન લઇને ઓફિસમાં જ શિફ્ટ થયો. આ શખ્સનું કહેવુ હતુ કે તેનો પગાર એટલો ઓછો છે કે તે ભાડાના ઘરમાં રહી શકતો નથી. તેથી તેણે ઓફિસમાં જ પથારી પાથરી દીધી. તે તેના ડેસ્કની નીચે સ્લિપિંગ બેગમાં સૂવા લાગ્યો.
ઓછા પગારનો વિરોધ નોંધાવવા માટે એક શખ્સે અનોખી રીત અપનાવી
આ વ્યક્તિ પગાર ઓછો હોવાના કારણે ભાડાના ઘરમાં રહી શકતો ન હતો
વ્યક્તિએ તેના રહેવાનો સામાન ઓફિસમાં પાથરી દીધો
ઓછા પગારને કારણે ઓફિસને જ બનાવી દીધુ ઘર
આ મામલો અમેરિકાનો છે. જ્યાં TikTok પર સિમોન નામના શખ્સે એક વીડિયો અપલોડ કરી આ ઘટના અંગે જણાવ્યું છે. વીડિયોમાં સિમોન તેની જરૂરી ચીજ વસ્તુઓ અને પથારી વગેરે લઇને ઑફિસ ક્યુબિકલમાં શિફ્ટ થતો જોવા મળી રહ્યો છે. સિમોનનુ કહેવુ છે કે તે ઘરમાંથી પોતાનો બધા સામાન લઇને અહીં રહેવા આવ્યાં છે. કારણકે ઓફિસમાંથી તેમને એટલો પગાર મળતો નથી કે તેઓ ઘરનું ભાડુ ભરી શકે. સિમોન મુજબ, તેમના મોટાભાગના સાથી મિત્રો ઘરેથી કામકાજ કરી રહ્યાં છે. ઓફિસ ખાલી રહે છે એવામાં તેમને અહીં રહેવાની પૂરતી જગ્યા મળી રહે છે.
આ વ્યક્તિએ ઓફિસનું કેબિન ઘરમાં ફેરવી નાખ્યું
સિમોને ઓફિસના તેના કેબિનમાં કપડાં, બેગ, સ્લિપિંગ બેગ વગેરે લગાવી તેને સંપૂર્ણ રીતે ઘરમાં ફેરવી નાખી. સિમોન ન્હાવા-ધોવા માટે ઓફિસના બાથરૂમનો ઉપયોગ કરે છે અને ઓફિસના જ ફ્રીજમાં તેના ખાવા-પીવાનો સામાન રાખે છે. જો કે, ત્રણ ચાર દિવસ બાદ ઓફિસ તરફથી સિમોનને આવુ ના કરવાના નિર્દેશ આપવામાં આવ્યાં. આ સાથે HRએ તેમને સોશિયલ મીડિયામાંથી ઓફિસમાં રહેવાના વીડિયો હટાવવા માટે પણ કહી દીધુ. ટિકટૉક પર સિમોનના આ વીડિયોને લગભગ 12 મિલિયન વખત જોવામાં આવ્યો.