નિર્ણય / સંસદમાં તાનાશાહ, નૌટંકી, ભ્રષ્ટ જેવા શબ્દો હવે નહીં બોલી શકાય, રાહુલ ગાંધીએ કહ્યું ન્યૂ ઈન્ડિયામાં નવી ડિક્શનરી

• હવે બંને ગૃહની કાર્યવાહી દરમિયાન અપમાનજનક શબ્દો ગણાશે અસંસદીય
• વિરોધપક્ષના સાંસદો આ નિર્ણયની કરી રહ્યા છે ટીકા 
• સાંસદ મહુઆ મોઈત્રાએ પણ ટ્વિટ કરી વિરોધ જાહેર કર્યો 

હવે લોકસભા અને રાજ્યસભામાં ગૃહની કાર્યવાહી દરમિયાન કેટલાક શબ્દોનો ઉપયોગ ખોટો અને અસંસદીય ગણાશે. અને આ પસંદ કરેલા શબ્દોને ગૃહની કાર્યવાહીમાં સામેલ કરવામાં આવશે નહીં. લોકસભા સચિવાલયે અસંસદીય શબ્દો 2021ના નામે આવા શબ્દો અને વાક્યોની યાદી તૈયાર કરી છે. અને તે તમામ સાંસદોને મોકલી દેવામાં આવ્યા છે. 

Session begins in a few days

GAG ORDER ISSUED ON MPs.

Now, we will not be allowed to use these basic words while delivering a speech in #Parliament : Ashamed. Abused. Betrayed. Corrupt. Hypocrisy. Incompetent

I will use all these words. Suspend me. Fighting for democracy https://t.co/ucBD0MIG16

— Derek O'Brien | ডেরেক ও'ব্রায়েন (@derekobrienmp) July 14, 2022

વિરોધપક્ષના સાંસદો આ નિર્ણયની કરી રહ્યા છે ટીકા 

મહત્વનુંં છે કે, નવા નિયમો અનુસાર દેશદ્રોહી, મગરના આંસુ, જયચંદ, શકુની, ભ્રષ્ટાચાર જેવા અનેક શબ્દો અને શબ્દસમૂહો પર પ્રતિબંધ મુકવામાં આવ્યો છે.ટીએમસીના સાંસદ ડેરેક ઓ બ્રાયને કહ્યું કે, હું આ શબ્દોનો ઉપયોગ કરીશ, આપ મને ભલેને મને સસ્પેન્ડ કરીદો , તેમણે ટ્વિટ કરતા જણાવ્યું હતું કે, કેટલાક દિવસોમાં સંસદનું સત્ર શરૂ થવાનું છે, સાંસદો પર લગાવવામાં આવેલા પ્રતિબંધનો આદેશ જાહેર કરવામાં આવ્યા છે. હવે અમારે સંસદમાં ભાષણ આપતી વખતે આ પાયાના શબ્દોનો ઉપયોગ કરવાની અનુમતી નથી આપવામાં આવી. શરમ આવવી જોઈએ, દુર્વ્યવહાર કર્યો, દગો આપવો, ભ્રષ્ટ, પાખંડ, અક્ષમ હું આ શબ્દોનો ઉપયોગ કરીશ, મને સસ્પેન્ડ કરી દેજો, લોકતંત્ર માટે લડાઈ લડીશ. 

You mean I can’t stand up in Lok Sabha & talk of how Indians have been betrayed by an incompetent government who should be ashamed of their hypocrisy? https://t.co/LYznOtsHFe

— Mahua Moitra (@MahuaMoitra) July 13, 2022

સાંસદ મહુઆ મોઈત્રાએ પણ ટ્વિટ કરી વિરોધ જાહેર કર્યો 

આ સિવાય ટીએમસીના સાંસદ મહુઆ મોઈત્રાએ પણ ટ્વિટ કરતાં લખ્યું કે, આપનો કહેવાનો મતલબ એ છે કે, હવે લોકસભામાં એ પણ કહી શકતો નથી કે, એક અસમર્થ સરકાર દ્વારા ભારતીયોને કેવી રીતે દગો આપવામાં આવ્યો છે.

All words used by the Opposition to describe the reality of Modi Sarkar now to be considered ‘unparliamentary’. What next Vishguru? pic.twitter.com/lx7MqIVutw

— Jairam Ramesh (@Jairam_Ramesh) July 14, 2022

જયરામ રમેશે કહ્યું  હવે આગળ શું?

કોંગ્રેસના નેતા જયરામ રમેશે ટ્વિટ કરીને કહ્યું, 'મોદી સરકારની વાસ્તવિકતા જણાવવા માટે વિપક્ષ દ્વારા ઉપયોગમાં લેવાતા તમામ શબ્દોને હવે 'અસંસદીય' ગણવામાં આવશે. હવે આગળ શું?

New Dictionary for New India. pic.twitter.com/SDiGWD4DfY

— Rahul Gandhi (@RahulGandhi) July 14, 2022

રાહુલ ગાંધીએ પણ ટ્વિટ કરીને સરકાર પર પ્રહારો કર્યા 

સંસદ સદનમાં કેટલાક શબ્દો અને વાક્યો પર પ્રતિબંધ કરાતા રાહુલ ગાંધીએ પણ ટ્વિટ કર્યું હતું કે, આ નવા ઈન્ડિયાની નવી ડિક્શનરી છે. તમને જણાવી દઈએ કે, ઘણી વખત સંસદના સભ્યો ગૃહમાં આવા શબ્દો, વાક્યો અથવા અભિવ્યક્તિઓનો ઉપયોગ કરે છે જે બાદમાં સ્પીકર અથવા સ્પીકરના આદેશથી રેકોર્ડ અથવા કાર્યવાહીમાંથી બહાર કાઢી નાંખવામાં આવે છે. લોકસભામાં કાર્યપ્રણાલી અને  નિયમ 380 મુજબ, "જો સ્પીકરને લાગે છે કે ચર્ચા દરમિયાન અપમાનજનક અથવા અસંસદીય અથવા અભદ્ર અથવા અસંવેદનશીલ શબ્દોનો ઉપયોગ કરવામાં આવ્યો છે, તો તે તેમને સંસદનની કાર્યવાહીથી દૂર કરવાનો આદેશ આપી શકે છે.