ઑપનર સ્મૃતિ મંધાનાની શાનદાર ઇનિંગ અને બૉલરના પરફૉર્મન્સના કારણે ભારતે ઓસ્ટ્રેલિયાને મહિલા T-20 વર્લ્ડ કપના ગ્રુપ Bની છેલ્લી મેચમાં 48 રને માત આપી છે. ટૉસ જીતીને પહેલા બેંટિગ કરવા માટે આવેલી ભારતીય ટીમે 20 ઑવરમાં 8 વિકેટના નુકસાન પર 167 રન કર્યા જ્યારે ટાર્ગેટ પૂરો કરવા માટે આવેલી ઓસ્ટ્રેલિયાની ટીમે 19.4 ઑવમમાં 9 વિકેટ ગુમાવીને માત્ર 119 રન જ કરી શકી. બંને ટીમ પહેલાથી ટૂર્નામેન્ટની સેમિફાઇનલમાં પ્રવેશી ચૂકી છે.
ઓસ્ટ્રેલિયાની તરફથી સૌથી વધારે રન એલિસ પેરીએ 39 રનના નૉટ આઉટ રહી તેણે 28 બૉલ પર 3 બાઉન્ડ્રી અને 1 સિક્સર ફટકારી. આ સિવાય એશલેધ ગાર્ડનરે 20 જ્યારે ઑપનર બેથ મૂનીએ 19 રન કર્યા. વિકેટકિપર હીલી ઇજાગ્રસ્ત થવાથી બેટિંગ કરવા માટે ના આવી શકી. ભારતની અનુજા પાટિલે 15 રન આપીને 3 વિકેટ ઝડપી. દીપ્તિ શર્મા રાધા યાદવ અને પૂનમ યાદવે 2-2 વિકેટ પોતાના નામે કરી.
આ પહેલા સ્મૃતિએ 55 બૉલમાં પોતાની ઇનિંગમાં 9 બાઉન્ડ્રી અને 3 સિક્સર્સ ફટકારી આ દરમિયાન 31 બૉલ પર બાઉન્ડ્રીની સાથે T-20 ઇન્ટનેશનલ કરિયરમાં છઠ્ઠી હાફ સેન્ચુરી કરી. ઑપનિંગ કરવા માટે આવી સ્મૃતિએ 154ના સ્કોર પર છઠ્ઠી વિકેટના રૂપે આઉટ થઇ. સ્મૃતિ અને કેપ્ટન હરમનપ્રીત કૌરે (42) ત્રીજી વિકેટ માટે 68 રનની પાર્ટનરશિપ કરી. હરમનપ્રીતે 27 બૉલમાં 3 બાઉન્ડ્રી અને 3 સિક્સર્સની મદદથી 43 રન કર્યા. આ સિવાય ટીમની કોઇ ક્રિકેટર સારું ના રમી શકી. ઓસ્ટ્રેલિયા માટે પેરીએ 3 ઑવરમાં 16 રન આપીને 3 વિકેટ ઝડપી. જ્યારે કિમિંસ અને ગાર્ડનર 2-2 વિકેટ અને મેગન શટે 1 વિકેટ પોતાના નામે કરી.