ભારતીય મહિલા ક્રિકેટ ટીમે આઈસીસી ટી 20 વર્લ્ડ કપમાં શાનદાર પ્રદર્શન કર્યું છે. ગુરુવારે ન્યૂઝીલેન્ડ સામે જીત નોંધાવી વર્લ્ડ કપની સેમીફાઈનલમાં સ્થાન બનાવી લીધું છે. હરમનપ્રીતની આગેવાનીમાં ટીમ ઈન્ડિયાએ વર્લ્ડ કપમાં સેમીફાઈનલમાં સ્થાન સુનિશ્ચિત કરી લીધું છે.
ન્યૂઝીલેન્ડ સામે ભારતનો ભવ્ય વિજય
ICC ટી 20 વર્લ્ડ કપમાં જીતની હેટ્રિક
ભારતીય બોલર્સે કર્યો કમાલ
આજની મેચમાં પહેલાં બેટિંગ કરવા ઉતરેલી ટીમ ઈન્ડિયામાં શેફાલી વર્માએ 34 બોલ પર 46 રન બનાવ્યાં, ટીમ ઈન્ડિયાએ કુલ 133 રનનો સ્કોર ઉભો કર્યો. ભારતના પડકારનો પીછો કરવા ઉતરેલી ટીમ ન્યૂઝીલેન્ડે 20 ઓવરમાં 6 વિકેટ ગુમાવી 129 રન બનાવ્યા. ભારતીય ટીમે પહેલી મેચમાં ઓસ્ટ્રેલિયાને 17 રને, જયારે બીજી મેચમાં બાંગ્લાદેશને 18 રને હરાવ્યું.
આજની મેચમાં ભારત તરફથી મળેલા લક્ષ્યાંક મેળવવા ઉતરેલી ટીમ ન્યૂઝીલેન્ડની શરૂઆત ખરાબ રીતે થઇ. ટીમનાં કેપ્ટન સૂજી બેટ્સ કંઈ કમલા કરી ન શક્યા. એમિલિયા કેરે 19 બોલમાં 34 રન બનાવી ટીમને જીતાડવાનાં પ્રયત્નો કર્યા પરંતુ વિજય અપાવી શકી નહીં. ભારતની બોલર્સમાં દિપ્તી શર્મા, શિખા પાંડે, રાજેશ્વરી ગાયકવાડ, પૂનમ યાદવ અને રાધા યાદવે એક એક વિકેટ ઝડપી.
ભારત તરફથી 16 વર્ષની શેફાલી શર્મા, સ્મૃતિ મંધના ઓપનિંગ કરવા ઉતરી. શેફાલીએ આજે ધુઆંધાર બેટિંગ કરી. પાવરપ્લે ઓવરમાં ભારતે 49 રન ફટકાર્યા. શેફાલી અને ત્રીજા ક્રમે મેદાન પર આવેલી તાનિયા ભાટિયાએ 51 રનની પાર્ટનરશીપ કરી. તાનિયા દસમી ઓવરમાં પવેલિયન પાછી આવી. દસ ઓવરમાં ભારતે 75 રન બનાવ્યા હતા. જે બાદ અંતિમ ઓવરોમાં રાધા યાદવે 14 રન અને શિખા પાંડેએ 10 રન બનાવી ટીમનો સ્કોર 133 સુધી લઇ ગઈ.