મહિલા ટી-20 વિશ્વકપના બીજા મુકાબલામાં ભારતે પાકિસ્તાનને 7 વિકેટ માત આપી હતી. રવિવારના રોજ યોજાયેલ વેસ્ટ ઇંડીઝના પ્રોવિડેન્સમાં રમાયેલ આ મુકાબલામાં પાકિસ્તાને પહેલા બેંટિંગ કરી હતી.
જેમાં તેમણે 7 વિકેટ ગુમાવીને 133 રનનો લક્ષ્યાંક ભારતીય ટીમને આપ્યો હતો. આ લક્ષ્યાંક ટી-20 મેચનો ભારત માટે સૌથી મોટો લક્ષ્યાંક હતો. પાકિસ્તાન તરફથી બિસ્માહ મહરુફે 49 બોલમાં 54 રન અને નિદા દારે 35 બોલમાં 52 રનની રમત રમી હતી.
તો આ તરફ ભારતીય ખેલાડી મિતાલી રાજે 47 બોલમાં 56 રન કર્યા હતા અને સ્મૃતિ મંદાનાએ 28 બોલમાં 26 રન કરી પહેલી વિકેટ માટે 73 રન જોડીને ભારતમાટે સારી શરૂઆત કરી હતી.
ઉલ્લેખનીય છે કે ન્યૂઝીલેન્ડ સામેની મેચમાં જીતની નાયિકા રહેલી કપ્તાન હરમનપ્રીત કૌરે નોટઆઉટ થયાં વગર 14 રન બનાવ્યા આ સાથે જ 19 ઓવરમાં 3 વિકેટ ગુમાવી 137 રનનો લક્ષ્યાંક હાંસલ કરીને જીત પ્રાપ્ત કરી હતી.
આપને જણાવી દઇએ કે ભારતીય ટીમ હવે ગ્રુપ-બીમાં 4 અંક સાથે ટોચ પર પહોંચી છે. પાકિસ્તાનની સતત આ બીજી હાર થતાં તેની વિકાસની ગતિમાં અડચણ આવવાની શક્યામાં વધારો થયો છે. આ સાથે ભારત આગામી મેચ 15 નવેમ્બરના રોજ આયર્લેન્ડ સામે રમશે.