રાજકોટ મહિલા પોલીસ સ્ટેશન ખાતે આજે મહિલા લોક દરબાર યોજાયો હતો, આ લોકદરબારમાં ઘરેલુ હિંસાથી પીડિત અનેક મહિલાઓ રડતા અવાજે રજૂ કરી પોતાની સમસ્યાઓ
રાજકોટ મહિલા પોલીસ સ્ટેશનમાં મહિલાઓનો લોક દરબાર
મહિલાઓ રડતા અવાજે રજૂ કરી પોતાની સમસ્યાઓ
ઘરેલુ સમસ્યા લઈને અનેક મહિલાઓને ભારે સમસ્યા
વેદના, દર્દ અને માનસિક પરિતાપથી ભરેલ આ સ્વરે લોકદરબારની ડેલીએ જ્યારે રડતા ચહેરે દાદ માગી તો, દરબારમાં ઉપસ્થિત પોલીસ અધિકારીઓની આંખનો ખૂણો પણ ભીનો થઈ ગયો. કહેવાય છે કે આપણા સમાજની બે મોટી કરુણતા છે એક છે નારી વિનાનું ઘર અને બીજું છે ઘર વિનાની નારી. આ દયનીય સ્થિતિ સમાજમાં કેટલી પ્રસરી ગઈ છે
રાજકોટ મહિલા પોલીસ સ્ટેશનમાં મહિલાઓનો લોક દરબાર
રાજકોટમાં મહિલા પોલીસસ્ટેશનમાં યોજાયેલા લોકદરબારમાં માપી શકાયો. રાજકોટ મહિલા પોલીસ સ્ટેશન ખાતે આજે મહિલા લોક દરબાર યોજાયો હતો, આ લોકદરબારમાં ઘરેલુ હિંસાથી પીડિત અનેક મહિલાઓ પોતાની સમસ્યાઓ લઈને આવી હતી. જ્યારે સ્વજનો જ દુશ્મથીયે વધારે યાતના આપવા લાગે છે ત્યારે, કોઈ અબળાએ પોતાના નાનકડા બાળકો સાથે ન્યાયના મંદિરે આવવું પડે છે. આવી મહિલાઓને જ્યારે કોઈ સાંભળવાની તસ્દી લે છે ત્યારે તેમનું દર્દ કંઈક આ રીતે આપણને પણ રડાવી જાય છે
પોલીસ દરબારમાં, સંતાપનો શોર
સમાજમાં આજે આવી અનેક મહિલાઓ છે. જે ઘણી સક્ષમ હોવા છતાં ઈજ્જત અને આબરૂના બંધનોની સાંકળે તેમને બાંધી રાખી છે. જો કે, આવી મહિલાઓને એનો પણ વાંધો નથી, પરંતુ જ્યારે પોતાના પતિ કે પરિવારજનો સ્વાર્થ સાધીને તરછોડી દેશે ત્યારે આવી મહિલાઓ પાસે કાયદાની મદદ લીધા સિવાય બીજો કોઈ ઉપાય રહેતો નથી. આ લોક દરબારમાં એવી મહિલા પણ આવી હતી, જેનો વાંક માત્ર એટલો જ હતો કે તેણે પોતાની કૂખે દીકરીને જન્મ આપ્યો હતો.
મહિલાઓનો શું વાંક!!
હવે તમે જ નક્કી કરો આમાં આવી મહિલાઓનો શું વાંક છે. કદાચ વાંક એટલો જ કે તેઓ મૂંગે મોંઢે સહન કરતી રહે છે. પરંતુ હવે રાજકોટ પોલીસ આવી મહિલાઓની વહારે આવી છે. રાજકોટ મહિલા પોલીસે 181 અને શી ટીમને સાથે રાખીને દરેક પીડિત મહિલાઓનું તાત્કાલિક કાઉન્સેલિંગ કર્યું હતું. મોટાભાગની ફરિયાદોમાં પતિ તેમજ સાસરિયાઓ ત્રાસ આપી મારકૂટ કરતા હોવાનું સામે આવ્યું છે. ત્યારે પોલીસે જો સમાધાન થઇ શકે તેમ ન હોય તેવા કેસમાં ફરિયાદ નોંધી કાયદેસરની કાર્યવાહી કરવા પોલીસના ઉચ્ચ અધિકારીઓ દ્વારા સૂચના આપવામાં આવી છે. હવે જોવાનું એ રહેશે કે, પીડિતાઓને ન્યાય મળે છે કે કેમ?