IPL 2023 / BIG NEWS : ગૌતમ અદાણીએ ખરીદી અમદાવાદની મહિલા IPL ટીમ, જુઓ બાકીની 4ને કોણે ખરીદી

• મહિલા આઈપીએલ ટીમોને લઈને ખુલાસો
• 2023ની મહિલા આઈપીએલમાં રમશે પાંચ ટીમ
• અદાણી ગ્રુપે અમદાવાદની ટીમ ખરીદી 
• અંબાણીએ મુંબઈની ટીમ ખરીદી 

2023ની મહિલા આઈપીએલનો ખુલાસો થઈ ગયો છે. ચાલુ વર્ષની સિઝનમાં કુલ પાંચ ટીમો રમશે જેનું વેચાણ પણ થઈ ગયું છે. મહિલા આઈપીએલને વિમેન્સ ઇન્ડિયન પ્રીમિયર લીગ એવું નામ આપવામાં આવ્યું છે. વિમેન્સ ઇન્ડિયન પ્રીમિયર લીગની પ્રથમ સિઝનમાં કુલ 5 ટીમો રમશે. જેમાં અમદાવાદ, મુંબઇ, બેંગ્લોર, દિલ્હી અને લખનઉનો સમાવેશ થાય છે. ઘણી મોટી કંપનીઓએ આ ટીમોને ખરીદવા માટે દાવ લગાવ્યો હતો. અદાણી ગ્રુપે અમદાવાદની ટીમને ખરીદી લીધી છે. 

𝐁𝐂𝐂𝐈 𝐚𝐧𝐧𝐨𝐮𝐧𝐜𝐞𝐬 𝐭𝐡𝐞 𝐬𝐮𝐜𝐜𝐞𝐬𝐬𝐟𝐮𝐥 𝐛𝐢𝐝𝐝𝐞𝐫𝐬 𝐟𝐨𝐫 𝐖𝐨𝐦𝐞𝐧’𝐬 𝐏𝐫𝐞𝐦𝐢𝐞𝐫 𝐋𝐞𝐚𝐠𝐮𝐞.

The combined bid valuation is INR 4669.99 Cr

A look at the Five franchises with ownership rights for #WPL pic.twitter.com/ryF7W1BvHH

— BCCI (@BCCI) January 25, 2023

કઈ ટીમને કોણે ખરીદી 
પાંચ મોટી કંપનીઓએ મહિલા આઈપીએલની ટીમની ખરીદી કરી છે. અદાણી સ્પોર્ટ્સ લાઈન પ્રાઈવેટ લિમિટેડે અમદાવાદની ટીમને 1289 કરોડમાં, મુકેશ અંબાણીની ઈન્ડિયા વિન સ્પોર્ટ્સ પ્રા.લિ.એ મુંબઈને 912.99 કરોડમાં, રોયલ ચેલેન્જર્સ સ્પોર્ટ્સ પ્રાઈવેટ લિમિટેડે બેંગ્લોરને 901 કરોડ રૂપિયામાં,  જેએસડબ્લ્યુ જીએમઆર ક્રિકેટ પ્રાઇવેટ લિમિટેડે દિલ્હીની ટીમને 810 કરોડમાં અને કપરી ગ્લોબલ હોલ્ડિંગ્સે લખનઉની ટીમને 757 કરોડમાં ખરીદી લીધી છે. વિમેન્સ પ્રીમિયર લીગની પાંચ ટીમોની કુલ કિંમત રુપિયા 4669.99 કરોડ છે.

1. અદાણી સ્પોર્ટ્સલાઇન પ્રા.લિ. લિમિટેડ, અમદાવાદ, રૂ. 1289 કરોડ.
2. ઇન્ડિયાવિન સ્પોર્ટ્સ પ્રા.લિ. LTD (રિલાયન્સ ગ્રુપ), મુંબઈ, 912.99 કરોડ
3. રોયલ ચેલેન્જર્સ સ્પોર્ટ્સ પ્રા.લિ. લિમિટેડ, બેંગલુરુ, 901 કરોડ રૂપિયા 
4. જેએસડબ્લ્યુ જીએમઆર ક્રિકેટ પ્રા.લિ. લિમિટેડ, દિલ્હી, 810 કરોડ રૂપિયા 
5. કેપ્રી ગ્લોબલ હોલ્ડિંગ્સ પ્રા.લિ. લિ., લખનઉ, રૂ.757 કરોડ

Today is a historic day in cricket as the bidding for teams of inaugural #WPL broke the records of the inaugural Men's IPL in 2008! Congratulations to the winners as we garnered Rs.4669.99 Cr in total bid. This marks the beginning of a revolution in women's cricket and paves the

— Jay Shah (@JayShah) January 25, 2023

ચાલુ વર્ષના માર્ચમાં યોજાશે મહિલા આઈપીએલ 
વિમેન્સ પ્રીમિયર લીગની પ્રથમ સિઝન ચાલુ વર્ષે માર્ચમાં યોજાઈ શકે છે. મીડિયા રિપોર્ટ્સ અનુસાર 4થી 26 માર્ચ વચ્ચે તેનું આયોજન થઈ શકે છે. આ પહેલા મહિલા ખેલાડીઓની હરાજી કરવામાં આવશે. પ્રથમ સિઝનમાં 22 મેચ યોજાય તેવી શક્યતા છે. આ માટે મુંબઈના બ્રેબોર્ન સ્ટેડિયમ અને ડીવાય પાટિલ સ્ટેડિયમની પસંદગી થઈ શકે છે. તાજેતરમાં જ બીસીસીઆઈ મહિલા આઈપીએલના પ્રસારણના હકો વાયકોમ-18 મીડિયા ગ્રુપને વેચ્યાં છે. 

 ચેમ્પિયન ટીમને મળશે 6 કરોડ રૂપિયા
મહિલા આઈપીએલ 2023નો હજુ કાર્યક્રમ જાહેર કરાયો નથી પરંતુ તે 31 માર્ચથી 1 એપ્રિલ દરમિયાન યોજાય તેવી શક્યતા છે. મહિલા આઇપીએલમાં ખેલાડીઓ માટે ઈનામી રકમ રુપિયા 10 કરોડ નક્કી કરવામાં આવી છે. જ્યારે ચેમ્પિયન ટીમને 6 કરોડ અને રનર્સ અપ ટીમને 3 કરોડ મળશે. ત્રીજા સ્થાને રહેનારી ટીમને 1 કરોડ રૂપિયા આપવામાં આવશે.