ઓસ્ટ્રેલીયા ની મહિલા ક્રિકેટ ટીમની વિકેટ કીપર એલિસા હેલી એ રવિવારે ભારત ના પૂર્વ કેપ્ટન મહેન્દ્ર સિંહ ધોની એ બનાવેલો એક રેકોર્ડ તોડી નાખ્યો હતો. આ રેકોર્ડ T2O ક્રિકેટ ને લગતો હતો.
પૂર્વ ભારતીય ક્રિકેટર મહેન્દ્રસિંહ ધોની નો રેકોર્ડ તૂટ્યો
ઓસ્ટ્રેલીયન મહિલા વિકેટકીપર એલીસા હેલી એ તોડ્યો રેકોર્ડ
T20 ક્રિકેટમાં સૌથી વધુ ખેલાડીઓને પેવેલિયન પરત મોક્લ્યા
ઓસ્ટ્રેલીયા ની વિમેન્સ ક્રિકેટ ટીમની વિકેટ કીપર એલિસા હેલી એ ભૂતપૂર્વ ભારતીય કપ્તાન મહેન્દ્રસિંહ ધોની ના એક રેકોર્ડ ને તોડી નાખ્યો હતો. આ રેકોર્ડમાં ધોની એ T 20 ક્રિકેટમાં સૌથી વધુ પેવેલિયન મોકલવાનો રેકોર્ડ હતો જે તેણે તોડી નાખ્યો હતો.
બ્રિસ્બેનમાં ન્યુઝીલેન્ડ સામે રમાઈ રહેલી મેચમાં તોડ્યો રેકોર્ડ
ઓસ્ટ્રેલીયા અને ન્યુઝીલેન્ડ વચ્ચે ચાલી રહેલી ત્રણ મેચોની સીરીઝ ના બીજા મુકાબલા માં ઓસ્ટ્રેલીયન વિકેટકીપરે આ કારનામું કર્યું હતું. બ્રિસ્બેન ના મેદાન પર એલીસા હેલી એ આ રેકોર્ડ ને ધ્વસ્ત કર્યો હતો. પહેલા મહેન્દ્રસિંહ ધોની ના નામે રહેલો સૌથી વધુ ખેલાડીઓ ને આઉટ કરવાનો આ રેકોર્ડ હવે એલીસા હેલી ના નામ પર નોંધાઈ ચૂક્યો છે, જો કે પુરુષ ક્રિકેટની વાત કરીએ તો હજુ પણ આ રેકોર્ડ મહેન્દ્રસિંહ ધોની ના નામ પર જ છે.
મહેન્દ્રસિંહ ધોની એ હાલમાં જ જાહેર કરી હતી નિવૃત્તિ
નોંધનીય છે કે મહેન્દ્રસિંહ ધોની એ હાલમાં જ 15 ઓગસ્ટ 2020 ના રોજ આંતરરાષ્ટ્રીય ક્રિકેટ માંથી નિવૃત્તિ જાહેર કરી હતી, જો કે હજુ પણ તે IPL માં ચેન્નાઈ સુપર કિંગ્સ CSK ટીમનું પ્રતિનિધિત્વ કરી રહ્યો છે અને હાલમાં પણ તે ટીમનો કેપ્ટન છે.
ઉલ્લેખનીય છે કે વિકેટકીપર તરીકે મહેન્દ્રસિંહ ધોની એ 98 T20 મેચમાં ભારત નું પ્રતિનિધત્વ કર્યું છે, જેમાં તેણે 91 ખેલાડીઓ ને પેવેલિયન પાછા મોકલ્યા છે, જયારે કે ઓસ્ટ્રેલીયન મહિલા વિકેટ કીપર એલીસા હેલી એ ૧૧૪ મેચોમાં ઓસ્ટ્રેલીયાનું પ્રતિનિધિત્વ કર્યું છે અને હજુ પણ તે રમી રહી છે એટલે કે આ રેકોર્ડ હજુ વધુ આગળ વધવાની પૂર્ણ સંભાવના છે.