લહેરા દો / કોમનવેલ્થમાં મહિલા ક્રિકેટ ટીમ મેડલથી હવે એક કદમ દૂર, બાર્બાડોસને 100 રનથી કચડીને મેળવી સેમિફાઇનલમાં એન્ટ્રી

• ભારતીય મહિલા ટીમે બાર્બાડોસને 100 રનથી માત આપી 
• ભારત શાનદાર રીતે કોમનવેલ્થ ગેમ્સના સેમિફાઇનલમાં પંહોચી ગયું 
• કેપ્ટન હરમનપ્રીત એક પણ રન ન બનાવી શકી 

હરમનપ્રીતની કેપ્ટનશિપમાં ભારતીય મહિલા ટીમે બાર્બાડોસને 100 રનથી ધમાકેદાર અંદાજમાં હરાવી દીધા છે. આ જીત સાથે જ ભારત શાનદાર રીતે કોમન વેલ્થ ગેમ્સના સેમિફાઇનલમાં પંહોચી ગયું છે. ભારતના બોલર અને બેટર બંનેએ કમાલ કરી બતાવ્યો હતો. ભારતે બાર્બાડોસને જીતવા માટે 163 રનનો ટાર્ગેટ આપ્યો હતો જેને બાર્બાડોસને પૂરો ન કરી શકી અને મેચ હારી ગઈ હતી. ભારત તરફથી જેમીમા રોડ્રીગેજ અને રેણુકા સિંહે કમાલ કરી બતાવ્યો હતો. 

Commonwealth Games | Cricket

Indian Women's Cricket T-20 Team wins by 100 runs against Barbados

India and Australia have topped Group A and moved to the Semi-final pic.twitter.com/Jt3spplHgM

— AIBS News 24 (@AIBSNews24) August 4, 2022

શેફાલીની શાનદાર ઇનિંગ 
ભારતીય ટીમ માટે શરૂઆત સારી નહતી રહી અને બીજી જ ઓવરમાં સ્મૃતિ માંધાના વિકેટ ગુમાવી ચૂકી હતી. એ સમયે સ્કોર બોર્ડ પર ફક્ત પાંચ રન હતા. એ પછી જેમીમા રોડ્રીગેજ અને શેફાલીએ 71 રનની પાર્ટનરશીપ કરી હતી. ખાસ કરીને શેફાલીએ આક્રમક ઇનિંગ રમીને 26 બોલ પર સાત ચોગ્ગા અને 1  છગ્ગાની મદદથી 43 રન બનાવ્યા હતા. એ પછી રન આઉટ થઈને પેવેલિયન પરત ફરી હતી. 

હરમનપ્રીત કૌરે કર્યા નિરાશ 
કેપ્ટન હરમનપ્રીત એક પણ રન બનાવી શકી નહતી અને એ પહેલી જ બોલ પર આઉટ થઈ ગઈ હતી. એ પછી તાનિયા ભાટિયા પણ છ રન બનાવી શકી હતી. જે કે એ પછી જેમીમા અને દિપ્તી શર્માએ કમાન સંભાળી હતી. દિપ્તીએ 28 બોલમાં 34 રન બનાવ્યા હતા અને જેમીમાએ 46 બોલમાં 56 રન બનાવ્યા હતા.  

Ruthless Renuka rattles Barbados top order to ensure a huge win and a place in the semi-final for India. She took 4 wkts for 10 runs in 4 overs. Chasing 163, Barbados only managed 62/8 giving India a 100 run victory.#TeamIndia #RenukaThakur #JemimahRodrigues #CWG22 #Birmingham22 pic.twitter.com/0qRAvQdO5T

— SportsQuickiez (@SportsQuickiez) August 4, 2022

રેણુકા સિંહનો કમાલ 
રેણુકા સિંહ ઘણી શાનદાર રીતે બોલિંગ કરી હતી. બાર્બાડોસ સામે તેને ચાર ઓવરમાં 10 રન આપી અને ચાર વિકેટ લીધી હતી. સાથે જ મેઘના સિંહ, સ્નેહા રાણા અને રાધા યાદવે પણ 1-1 વિકેટ લીધી હતી. આ સાથે જ ભારત સમેનિફાઇનલ માટે ક્વોલિફાઈ થઈ ગયું છે. 

An unbeaten 70-run stand between @JemiRodrigues (56*) and @Deepti_Sharma06 (34*) has helped give #TeamIndia 🇮🇳 a formidable 162 to defend against Barbados 🇧🇧

A win tonight will take @BCCIWomen
to the semi-finals of #B2022 🏏

📸 @birminghamcg22 | @ghosh_annesha pic.twitter.com/e0ujCU9PnD

— Team India (@WeAreTeamIndia) August 3, 2022

બંને ટીમના પ્લેઇંગ 11 - 
ભારતીય ટીમઃ શેફાલી વર્મા, સ્મૃતિ મંધાના, જેમિમા રોડ્રિગ્સ, હરમનપ્રીત કૌર, તાનિયા ભાટિયા, દીપ્તિ શર્મા, રાધા યાદવ, સ્નેહા રાણા, મેઘના સિંહ, રેણુકા સિંહ, પૂજા વસ્ત્રાકર

બાર્બાડોસ મહિલા: ડીઆન્દ્રા ડોટિન, હેલી મેથ્યુઝ, કિસિયા નાઈટ, કિશોના નાઈટ, આલિયા એલન, ત્રિશાન હોલ્ડર, એલિસા સ્કેંટલબરી, શકીરા સેલમેન, શામિલિયા કોનેલ, શંટ કેરિંગ્ટન, શાનિકા બ્રુસ