ક્રિકેટ / ભારતે 'લંકા લૂંટી', એશિયા કપમાં શ્રીલંકા સામે ભારતીય મહિલા ટીમનો 41 રને વિજય

• મહિલા ટી20 એશિયા કપમાં ભારતને મળી પહેલી જીત
• શ્રીલંકાને 41 રનથી હરાવ્યું 
• જેમિમાહ રોડ્રિગ્સે 53 બોલમાં 76 રન ફટકાર્યાં 
• દિપ્તી- હેમલતાએ લંકાની અડધી ટીમને આઉટ કરાવી
• 1 ઓક્ટોબરથી બાંગ્લાદેશમાં શરુ થયો છે મહિલા એશિયા કપ 

બાંગ્લાદેશના સિલહટમાં 1 ઓક્ટોબરથી મહિલા એશિયા કપનો પ્રારંભ થઈ ચૂક્યો છે અને ભારતના ખાતામાં પહેલી જીત આવી છે. એશિયા કપની બીજી મેચમાં ભારતીય મહિલા ટીમે શ્રીલંકાની મહિલા ટીમને 41 રનથી પરાજય આપ્યો છે. ભારત પહેલા બેટિંગ કરીને 20 ઓવરમાં 6 વિકેટના નુકશાન પર 150 રન બનાવ્યાં હતા. 151 રનનો ટાર્ગેટ પૂરો કરવા મેદાનમાં ઉતરેલી શ્રીલંકાની ટીમ ફક્ત 109 રન જ બનાવી શકી હતી આ રીતે ભારતને 41 રનથી વિજય મળ્યો હતો. 

દિપ્તી અને હેમલતાનો તરખાટ
ભારતીય બોલર દિપ્તી અને હેમલતાએ મેચમાં તરખાટ મચાવ્યો હતો. આ બન્ને બોલરોએ શ્રીલંકાની અડધી ટીમને પેવેલિયન ભેગી કરી નાખી હતી. 

#Update | Women's Asia Cup: India beat Sri Lanka by 41 runs.

— ANI (@ANI) October 1, 2022

ભારતે આ રીતે જીતી મેચ
પ્રથમ બેટિંગ કરતા ભારતે 23ના સ્કોર પર બે વિકેટ ગુમાવી દીધી હતી. હરમનપ્રીત કૌર (33) અને રોડ્રિગ્સ (76)ની જોડીએ 92 રનની ભાગીદારી કરતાં ભારતને સારા સ્કોર સુધી પહોંચાડયું હતુ. ઓશાદી રાણાસિંઘે ત્રણ વિકેટ સાથે શ્રીલંકા માટે બોલરોની પસંદગી હતી.સ્કોરનો પીછો કરવા ઉતરેલી શ્રીલંકાની ટીમે નિયમિત અંતરે વિકેટ ગુમાવી હતી અને તેઓ 109 રનમાં ઓલઆઉટ થઈ ગયા હતા. ભારત તરફથી દયાલન હેમલથાએ ત્રણ વિકેટ ઝડપી હતી.

રોડ્રિગ્યુઝે તેની સર્વોચ્ચ ટી -20 આંતરરાષ્ટ્રીય ઇનિંગ્સ રમી હતી
ત્રીજી ઓવરમાં બેટિંગ કરવા આવેલા જેમિમાહ રોડ્રિગ્સે શાનદાર ઈનિંગ રમી હતી અને ટી20 ઈન્ટરનેશનલ કરિયરની આઠમી અડધી સદી ફટકારી હતી. રોડ્રિગ્યુઝે 53 બોલમાં 76 રનની શાનદાર ઇનિંગ્સ રમી હતી જેમાં ૧૧ ચોગ્ગા અને એક છગ્ગાનો સમાવેશ થાય છે. આ ફોર્મેટમાં શ્રીલંકા સામે તેની ત્રીજી અડધી સદી છે. આ સાથે રોડ્રીગ્યુઝની ટી-20 ઈન્ટરનેશનલ કારકિર્દીનો હાઈએસ્ટ સ્કોર પણ બની ગયો છે.

દિપ્તીએ તરખાટ મચાવ્યો
અનુભવી ઓલરાઉન્ડર દિપ્તી શર્માએ ઘાતક બોલિંગ કરીને ચાર ઓવરમાં ફક્ત 15 રન આપીને બે વિકેટ ઝડપી હતી. તેની સાથે દિપ્તીને નામે ટી20 ઈન્ટરનેશનલ મેચોમાં 70 વિકેટ પૂરી થઈ છે.