ક્રિકેટ / એશિયા કપમાં 'દેશની દીકરીઓ' ચમકી, મહિલા ટીમે UAEને 104 રને હરાવીને લગાવી જીતની હૈટ્રિક

• એશિયા કપમાં ભારતીય મહિલા ક્રિકેટ ટીમનું દમદાર પ્રદર્શન
• યુએઈને 104 રનથી આપ્યો પરાજય
• ત્રીજી મેચ જીતીને પોઈન્ટ ટેબલ પર પહોંચી ટોપ પર 
• જેમિમાહ રોડ્રિગ્સે માત્ર 45 બોલમાં 75 રન ફટકાર્યા 

મહિલા એશિયા કપમાં ભારતીય મહિલા ટીમે દમદાર પ્રદર્શન દેખાડ્યું છે. મંગળવારે રમાયેલી મેચમાં ભારતીય મહિલા ટીમે યુએઈને 104 રનના મોટા માર્જિનથી હરાવીને સતત ત્રીજી મેચ જીતી લીધી છે. ત્રણ મેચ જીતતાની સાથે ટીમ ઈન્ડીયા પોઈન્ટ ટેબલ પર ટોપ પર પહોંચી છે. 

.@JemiRodrigues scored a superb 7⃣5⃣* & bagged the Player of the Match award as #TeamIndia beat UAE. 👏 👏 #AsiaCup2022 | #INDvUAE

Scorecard ▶️ https://t.co/Y03pcauSKo pic.twitter.com/h3TGNvduaO

— BCCI Women (@BCCIWomen) October 4, 2022

ટીમ ઈન્ડીયા પોઈન્ટ ટેબલ પર ટોપ પર 
ટીમ ઈન્ડિયાએ મંગળવારે યુએઈને 104 રનના મોટા અંતરથી હરાવીને પોઈન્ટ ટેબલમાં ટોચ પર પહોંચી ગઈ હતી. આ મેચમાં ભારતે પ્રથમ બેટિંગ કરતા દીપ્તિ શર્માની કમાલની ઈનિંગના આધારે 178 રન બનાવ્યા હતા. બીજી તરફ યુએઈની ટીમ માત્ર 74 રન જ બનાવી શકી હતી. ટીમ ઈન્ડિયા તરફથી દીપ્તિ શર્માએ 49 બોલમાં 64 રન બનાવ્યા હતા. જેમાં 5 ચોગ્ગા અને 2 છગ્ગા સામેલ હતા. આ ઉપરાંત જેમિમાહ રોડ્રિગ્સે પણ માત્ર 45 બોલમાં 75 રન ફટકાર્યા હતા, જેમાં 11 ચોગ્ગા સામેલ હતા. આ વિસ્ફોટક ઇનિંગ્સના આધારે ટીમ ઇન્ડિયાએ 5 વિકેટના નુકસાન પર 178 રન બનાવ્યા હતા. યુએઈ માટે આ ટાર્ગેટ પહાડ સાબિત થયો અને ટીમ પૂરી 20 ઓવર રમ્યા બાદ પણ માત્ર 78 રન જ બનાવી શકી. યુએઈ તરફથી બે બેટ્સમેનોએ ડબલ ફિગરને ટચ કર્યો હતો, પણ તે અત્યંત ધીમી ઈનિંગ હતી. કવિશાએ 54 બોલમાં 30 અને ખુશીએ 50 બોલમાં 29 રન કર્યા હતા.

#WomensAsiaCup2022 | India (178/5) beat United Arab Emirates (74/4) by 104 runs

— ANI (@ANI) October 4, 2022

એશિયા કપમાં ભારતની ત્રીજી જીત, પહેલા શ્રીલંકા, મલેશિયા અને હવે યુએઈને હરાવ્યું 
ટીમ ઈન્ડિયાએ એશિયા કપ 2022માં સતત 3 મેચ જીતી છે. આ સાથે જ ભારત પોઈન્ટ ટેબલમાં ટોચ પર પહોંચી ગયું છે. ભારતે પહેલા શ્રીલંકાને 41 રનથી હરાવ્યું હતું, ત્યારબાદ મલેશિયાને 30 રનથી હરાવ્યું હતું અને હવે યુએઈને 104 રનથી હરાવ્યું હતું.