ખેલ / વર્લ્ડ બોક્સિંગ ચેમ્પિયનશિપ: મેરીકોમનું સપનું તૂટ્યુ, સેમિફાઇલનમાં હાર થતા બ્રોન્ઝથી કરવો પડશે સંતોષ

• મેરીકોમ ને યૂરોપિયન ચેમ્પિયન તુર્કીની સી બુસેનાઝએ 4-1 થી હરાવી
• ભારતે રેફરીના નિર્ણય વિરુદ્ઘ અપીલ કરી, પરંતુ ખારિજ કરી દેવામાં આવ્યો
• આ પહેલા મેરીકોમે 6 ગોલ્ડ અને 1 સિલ્વર મેડલ પોતાના નામે કર્યા

શનિવારે એટલે કે આજે રમાયેલી મેચમાં યૂરોપિરયન ચેમ્પિયન તુર્કીની બુસેનાઝએ 4-1 થી હરાવી. મેરીકોમને બ્રોન્ઝ મેડલથી સંતોષ માનવો પડ્યો હતો. જોકે ભારતે રેફરીના નિર્ણય વિરુદ્ધ અપીલ કરી છે. મેરીકોમે વર્લ્ડ ચેમ્પિયનશિપમાં આઠમો મેડલ જીત્યો છે. તેણે પ્રથમવાર 51 કિલોગ્રામની કેટેગરીમાં ભાગ લીધો હતો. આ પહેલાના સાતેય મેડલ તેણે 48 કિલોગ્રામની કેટેગરીમાં જીત્યા હતા.

Mary Kom lost to Turkey's European champion Busenaz Cakiroglu in the semi-finals

Report 👇https://t.co/fo0y1rgFd3

— ESPN India (@ESPNIndia) October 12, 2019

તો બીજી તરફ ભારતની લોવિલિયા બોરગોહેન (69 કિલોગ્રામ), જમુના બોરો (54 કિલોગ્રામ) અને મંજૂ રાની (48 કિલોગ્રામ) આજે પોતાની સેમિફાઇનલ મેચ રમશે.  મંજૂ રાની મેચ થાઇલેન્ડની સી. રકસત અને લોવિલિયા બોરગોહેન મેચ ચીનની યાંગ લિયૂની સામે રમશે. તો બીજી તરફ જમુના બોરો ચીની તાઇપેની હુઆંગ હસિઆઓ-વેન વિરુદ્ઘ રમશે, હુઆંગ એશિયન ગેમ્સમાં બ્રોન્ઝ મેડલ જીતી ચૂકી છે. 

મેરીકોમ વર્લ્ડ ચેમ્પિયનશિપમાં પહેલો મેડલ 2001માં જીતી હતી

મેરીકોમે વર્લ્ડ ચેમ્પિયનશિપમાં અત્યાર સુધી 6 ગોલ્ડ અને 1 સિલ્વર મેડલ જીત્યો છે. તેણે પહેલો મેડલ 2001માં જીત્યો હતો. તે પછી તે સતત 6 વાર ચેમ્પિયન બનવામાં સફળ રહી હતી. તેણે 2012 લંડન ઓલિમ્પિક્સમાં બ્રોન્ઝ મેડલ પોતાના નામે કર્યો હતો. એશિયન ગેમ્સમાં તેણે એક ગોલ્ડ અને એક બ્રોન્ઝ, જયારે 2018 કોમનવેલ્થ ગેમ્સમાં ગોલ્ડ જીત્યો હતો. તે એશિયન ચેમ્પિયનશિપમાં 5 ગોલ્ડ, 1 બ્રોન્ઝ અને એશિયન ઇન્ડોર ગેમ્સમાં એક ગોલ્ડ મેડલ જીતી ચૂકી છે.