ડાયાબિટીશથી પીડાતા લોકોને હાર્ટ એટેકનો ખતરો વધુ હોય છે. એક રિસર્ચ મુજબ ડાયાબિટીશથી પીડાતી મહિલાઓને પુરુષની તુલનાએ હાર્ટ ડિસીઝની શકયતા વધુ હોય છે. મહિલાઓના મૃત્યુના કારણોમાં ડાયાબિટીશની બીમારી નવમાં સ્થાને છે.
ડાયાબિટીશથી હાર્ટએટેકના દુનિયાભરના ડેટાથી જાણવા મળ્યું છે પુરષ દર્દીઓ વધુ છે પરંતુ મહિલાઓને ખતરો ઘણો વધારે હોય છે. ઇન્ટરનેશનલ ડાયાબિટીશ ફેડરેશનના જાણાવ્યા મુજબ દુનિયાભરમાં પુખ્તવયના 41.5 કરોડ લોકો ડાયાબિટીશથી પીડાય છે. જેમાં મહિલાઓની સંખ્યા 19.9 કરોડ છે.
ડાયાબિટીશમાં દુનિયાની રાજધાની કહેવાતા આપણા ભારતમાં 2017માં 7.2 કરોડ ડાયાબિટીશના દર્દીઓ નોંધાયા હતા. એટેલે કે ભારતના પુખ્તવયના 8 ટકા લોકો ડાયાબિટીક છે. જયારે અન્ય લાખો લોકો એવા પણ હોય છે જેમને ખુદને ડાયાબિટીશ છે તેની જાણ હોતી નથી. ભારતમાં હજારો લોકોને દિવસો નહીં મહિનાઓ પછી કયારેક બીમારીની ખબર પડે છે. કેમ કે આપણા ત્યાં નિયમિત હેલ્થ ચેકઅપ બહુ ઓછા લોકો કરાવે છે.
ડાયાબિટીશના મહિલા દર્દીમાં હાર્ટ ફેલનો ખતરો 47 ટકા વધુ રહે છે. ઓકસફર્ડ યુનિવર્સિટીની ધી જયોર્જ ઇન્સ્ટીટયુટ ફોર ગ્લોબલ હેલ્થના એક સંશોધન મુજબ મહલાઓને વધુ ખતરાના ઘણા કારણો છે. પુરુષો કરતાં મહિલાઓ ડાયાબિટીશની યોગ્ય સારવાર લેતી નથી અથવા તો તેને મળતી નથી તે એક કારણ છે. આ ઉપરાંત સામાજિક અને આર્થિક કારણો પણ જવાબદાર છે.
ખાનપાનની ટેવ ઉપરાંત નિયમિત કસરતનો અભાવ પણ હાર્ટ એટેકને નોતરે છે. નિષ્ણાતોના જણાવ્યા મુજબ 2040 સુધીમાં 31.4 કરોડ જેટલી મહિલાઓ ડાયાબિટીશથી પીડાતી હતી. દુનિયાભરમાં 21 લાખ મહિલાઓ દર વર્ષે ડાયાબિટીશથી મૃત્યું પામે છે.