Viral News / ગોરા થવાની ક્રીમથી થઈ કિડનીની બીમારી: મા અને બે દીકરી એકસાથે આવી ઝપેટમાં, મુંબઈનો ચોંકાવનારો કેસ

• મુંબઈમાં ચોંકાવનારો કિસ્સો સામે આવ્યો છે
• બ્યુટિશિયન પાસેથી લોકલ ફેરનેસ ક્રીમ ખરીદી
• યુવતીની સાથે માતા અને મોટી બહેને પણ લગાવી ક્રીમ 
• ત્રણેયને એક સાથે થઈ એક જેવી જ કિડનીની બીમારી

20 વર્ષની મુંબઈમાં રહેતી બાયોટેક સ્ટુડન્ટ વિભા (નામ બદલ્યું છે) એ અકોલામાં તેના બ્યુટિશિયન પાસેથી ખરીદેલી એક લોકલ ફેરનેસ ક્રીમનો ઉપયોગ કર્યો ત્યારથી જ  લોકો તેના ચહેરાની ચમક અને તેના સુંદર દેખાવના વખાણ કરવા લાગ્યા હતા. એ બાદ તેની ફેરનેસ જોઈને વિભાની માતા અને મોટી બહેને પણ આ જ ફેરનેસ ક્રીમનો ઉપયોગ કરવાનું શરૂ કર્યું હતું પણ એમની એ ખુશી થોડા સમય માટેની જ હતી કારણ કે ત્રણેયને વર્ષ 2022 ની શરૂઆતમાં આવતા ચાર મહિનામાં ગ્લોમેર્યુલોનફ્રીટીસ થવાનું શરૂ થયું હતું. જણાવી દઈએ કે આ એક એવી સ્થિતિ છે જેમાં કિડનીમાં રહેલા નાના ફિલ્ટર્સને ક્ષતિગ્રસ્ત થઈ જાય છે. 

નિદાન કરનાર ડૉક્ટર પણ ચોંકી ગયા
જો કે બાદ ડૉક્ટર પાસે ગયા અને એમની કિડનીની સમસ્યાનું નિદાન કરનાર ડૉક્ટર પણ ચોંકી ગયા હતા. જણાવી દઈએ કે આ મામલે તેઓ કેઈએમ હોસ્પિટલ પહોંચ્યા હતા અને ઓનલાઈન વિચારમંથન કલાકોના પછી કેઈએમના નેફ્રોલોજીના વડા ડૉ. તુકારામ જમાલે અને અકોલાના ડૉ. અમર સુલતાને તેના પર કામ કરવાનું શરૂ કર્યું. આ સમયે એમનું એક વાતે તેનું ધ્યાન ખેંચ્યું કે ત્રણેય એક જ મેકઅપ કીટનો ઉપયોગ કરી રહ્યા હતા.

લોહીમાં પારાના સ્તરનું પ્રમાણ હજારોમાં હતું 
જણાવી દઈએ કે કેઈએમની આયુર્વેદ લેબોરેટરીમાં ફેરનેસ ક્રીમ સહિતની વિવિધ વસ્તુઓની ચકાસણી કરવામાં આવી હતી અને તેના પરિણામોએ ડોકટરોને ચોંકાવી દીધા. આ વિશે ડૉ. જમાલેએ ધ્યાન દોર્યું કે સ્કિન ક્રીમમાં પારાના સ્તરનું પ્રમાણ હજારોમાં હતું જ્યારે સ્વીકાર્ય સ્તર 1 પીપીએમ (પાર્ટ્સ પ્રતિ મિલિયન) કરતાં ઓછું છે. અંહિયા નોંધનીય છે કે વિભાના લોહીમાં પરનું સ્તર 46 હતું જ્યારે સામાન્ય ગણતરી 7 કરતા ઓછી હોય છે.

વિભાની સારવાર હજુ ચાલી રહી છે
પારો એક ભારે ધાતુ છે અને તે મનુષ્યો માટે ઝેર સમાન છે. પારો મેલાનોસાઇટ્સને અટકાવી શકે છે, જે પિગમેન્ટેશન માટે જરૂરી કોષો છે. કેઇમના ડૉક્ટરે જણાવ્યું હતું કે વિભા જે ફેરનેસ ક્રીમનો ઉપયોગ કરતી હતી તેમાં પારાનું પ્રમાણ વધુ હોવાથી તે તેની કિડની પર પ્રતિકૂળ અસર કરી રહ્યું હતું અને તેને વધારે રૂપાળી બનાવી રહ્યું હતું. જણાવી દઈએ કે વિભા હજી સંપૂર્ણ સ્વસ્થ થઈ નથી પણ તેની માતા અને બહેન સ્વસ્થ થઈ ગયા છે.

જો કે સૌંદર્ય પ્રસાધનોમાં ભારે ધાતુઓની હાજરી નવી વાત નથી. જણાવી દઈએ કે વર્ષ 2014 માં દિલ્હી સ્થિત CSE એ 32 ક્રીમનું પરીક્ષણ કર્યું અને જાણવા મળ્યું કે 14માં ભારે ધાતુઓ જોવા મળી હતી.