આ પ્રગતિશીલ દુનિયામાં આજે પણ એક એવું ગામ આવેલ છે જ્યાં મહિલાઓને મત આપવા પર પાબંધી લાદવામાં આવી છે. આ ગામ વસેલું છે પાકિસ્તાનમાં જ્યાં લોકતંત્રમાં મહિલાઓને મત આપવાનો અધિકાર તો મળ્યો છે પરંતુ મોહરી ગામની મહિલાઓને મત આપવા પર મંજૂરી આપવામાં આવી નથી.
આપને જણાવી દઇએ કે આવું એટલા માટે છે કેમકે આ ગામના પુરૂષો નથી ઇચ્છતા કે કોઇપણ મહિલા ચૂંટણીમાં કોઇપણ પ્રકારની ભાગીદારી નોંધાવે. આપને જાણીને થોડું અચરજ થશે કે આ ગામના પુરૂષોએ સને 1947થી જ મહિલાઓને મત આપવા પર રોક લગાવવામાં આવી છે. આ સાથે મહિલાઓ પુરૂષોના આદેશને ખુશીથી અપનાવી ચૂકી છે.
આ ગામના મુખિયા(સરપંચ) જેમનું નામ મલિક ખાદિમ હુસેન છે તેનું માનવું છે કે મહિલાઓને મત ન આપવા દેવો તે આ ગામનો એક રિવાજ બની ચૂક્યો છે. આ સાથે જ વધુમાં તેનું કહેવું છે કે મહિલાઓ જો મત આપે તો તેને પુરષો પોતાનું અપમાન થયું હોય તેમ માને છે.
આ રીતે મહિલાઓને મત આપવા પર પાબંધી લાદવામાં આવી છે. આ ગામની મહિલાઓ સાથે વાતચીત કરતા તેમણે જણાવેલ કે જો તેણી મત દેવા જાય તો ઘરમાં કંકાસ શરૂ થાય છે અને તેને માર મારવામાં પણ આવે છે. જો કે આગામી 25 તારીખના રોજ પાકિસ્તાનમાં યોજાનાર ચૂંટણીમાં આ ગામની પરંપરા બદલાય તેવું લોકો ઇચ્છી રહ્યા છે પરંતુ તેના માટે ચૂંટણી કમિશને મહેનત કરવી પડશે.
ચૂંટણી અધિકારીઓએ જાહેર કરેલ કેટલાક આંકડાઓ અનુસાર આગામી ચૂંટણીમાં 10 મહિલા વોટર્સનો હિસ્સો દરેક ગામમાંથી મળવો જોઇએ નહીંતર ચૂંટણી પ્રક્રિયાને મુલતવી રાખવામાં આવશે.
આપને જણાવી દઇએ કે આગામી 25 તારીખના રોજ પાકિસ્તાનમાં યોજાનાર ચૂંટણીની રંગેચંગે શરૂઆત થઇ છે. આ સાથે 20 મિલિયન નવા વોટર્સ પણ આગામી ચૂંટણીમાં મત આપવા આવનાર છે. આ સાથે જ 9.13 મિલિયન મહિલા વોટર્સ પણ જોડાઇ છે.