પહેલો સગો તે પાડોશી આ કહેવત વર્ષોથી આપણે સાંભળતા આવીએ છીએ પરંતુ પાડોશી જ ભક્ષક બની જાય તો શું કરવાનું?
કાળા જાદુની શંકા જતાં મહિલાએ જે કર્યું...
પાડોશી મહિલાની બે આંગળીઓ ખાઇ ગઇ
દીકરી સામે કૃત્યને આપ્યો અંજામ
પાડોશી સાથે ઝઘડો
પાડોશી સાથે ઝઘડો થવો સામાન્ય વાત છે પરંતુ સ્પેનમાં એક મહિલા પોતાના પાડોશીથી એવી તો નારાજ થઇ કે તેની બે આંગળી ચાવીને ખાઇ ગઇ. પોલીસે આરોપીની ધરપકડ કરી છે અને ફરિયાદ દાખલ કરી છે.
દીકરી સામે કર્યું આવું કામ
એક રિપોર્ટ અનુસાર સ્પેનિશ પોલીસે કહ્યું કે, sevilleમાં રહેનારી 45 વર્ષીય મહિલાએ પોતાની 48 વર્ષીય પાડોશી પર હુમલો કરવાની ઘટનામાં ધરપકડ કરવામાં આવી છે. આરોપીએ પીડિતાની બે આંગળી ચાવી હતી અને બાદમાં તેને ખાઇ ગઇ હતી. આ ઘટના સમયે આરોપીની 6 વર્ષની દીકરી પણ ત્યાં હાજર હતી.
પોલીસે બચાવ્યો પીડિતાનો જીવ
પોલીસે આ ઘટના વિશે આસપાસના લોકોને જાણકારી આપી હતી. પોલીસ જ્યારે ઘટના સ્થળ પર પહોંચી ત્યારે આરોપી મહિલા ફરિયાદીને માર મારી રહી હતી. એક અધિકારીએ કહ્યું કે, 'આરોપી મહિલાને શંકા હતી કે પાડોશી તેના ઘર પર જાદુટોણા કરી રહી છે. તે પાણીમાં મીઠુ મિલાવીને તેના ઘર પર નાંખતી હતી' આ જ વાતને લઇને બંનેમાં મારપીટ શરૂ થઇ ગઇ હતી.
પથ્થરથી કર્યો ઘા
પોલીસે કહ્યું કે, આરોપીએ પાડોશી મહિલા પર પહેલા ભારે પથ્થર ફેંક્યો અને તેને નીચે પાડી દીધી હતી. જે બાદ તેની બે આંગળી દાંતથી કાપી અને ખાઇ ગઇ હતી. તેને ઇલાજ માટે હોસ્પિટલ ખસેડવામાં આવી છે.