IPLIN
 

ક્રિકેટ / ચેમ્પિયન કાંગારુ ટીમ સામે ન ચાલ્યું ભારતનું જોર, હરાવીને T-20 વર્લ્ડ કપની ફાઈનલમાં પહોંચ્યું ઓસ્ટ્રેલિયા

Team VTV 09:45 PM, 23 Feb 23 | Updated: 10:03 PM, 23 Feb 23
Follow us
Women T20 WC Semifinal

સાઉથ આફ્રિકાના કેપ ટાઉનમાં ન્યૂલેન્ડ્સ મેદાનમાં રમાયેલી સેમિફાઈનલમાં ભારતને હરાવીને ઓસ્ટ્રેલિયાએ મહિલા ટી20 વર્લ્ડ કપની ફાઈનલમાં પ્રવેશ કરી લીધો છે.

  • વર્લ્ડ ચેમ્પિયન કાંગારુ ટીમ સામે ન ચાલ્યું ભારતનું જોર 
  • ઓસ્ટ્રેલિયાએ સેમિફાઈનલમાં 5 રને હરાવ્યું
  • ઓસ્ટ્રેલિયા ટી-20 વર્લ્ડ કપની ફાઈનલમાં પ્રવેશ્યું
  • ભારતીય ટીમે 8 વિકેટમાં બનાવ્યાં 167 રન 
  •  સેમિફાઈનલમાં પરાજય સાથે ભારત થયું વર્લ્ડ કપમાંથી આઉટ 

ઓસ્ટ્રેલિયાની મહિલા ક્રિકેટ ટીમ દુનિયાની નંબર વન ટી-20 ક્રિકેટ ટીમ છે તેને હરાવવી લગભગ અશક્ય છે, અત્યાર સુધીમાં ઓસ્ટ્રેલિયા પાંચ વાર ટી-20 વર્લ્ડ ચેમ્પિયન બનેલું છે અને હવે તે છઠ્ઠી વાર ચેમ્પિયન બનવાની નજીક પહોંચ્યું છે. ગ્રુપ બીની સેમિફાઈનલમાં જે ટીમ જીતે તેની સામે ઓસ્ટ્રેલિયાનો ફાઈનલ મુકાબલો રવિવારે યોજાશે. ઓસ્ટ્રેલિયાએ હરાવી દેતા ભારત મહિલા ટી20 વર્લ્ડ કપમાંથી બહાર ફેંકાયું છે. 

સાઉથ આફ્રિકાના કેપ ટાઉનમાં ન્યૂલેન્ડ્સ મેદાનમાં રમાયેલી સેમિફાઈનલમાં ભારતને 5 રને હરાવીને ઓસ્ટ્રેલિયાએ મહિલા વર્લ્ડ કપની ફાઈનલમાં સ્થાન મેળવી લીધું છે. ટોસ જીતીને પહેલા બેટિંગ કરવા ઉતરેલી મેગ લેનિંગની કેપ્ટનન્સી વાળી ઓસ્ટ્રેલિયાની ટીમ 20 ઓવરમાં 172 રનનો મોટો સ્કોર બનાવ્યો હતો. 

ભારતે 8 વિકેટ ગુમાવીને કર્યાં 167 રન

173 રન કરવા મેદાનમાં ઉતરેલી ટીમ ઈન્ડીયા 8 વિકેટ ગુમાવીને 167 રન બનાવી શકી હતી આ રીતે ટીમ ઈન્ડીયાનો 5 રને પરાજય થયો હતો. સેમિફાઈલમાં પરાજય સાથે ભારત વર્લ્ડ કપમાંથી બહાર ફેકાયું છે. જોકે ટીમ ઈન્ડીયાની ખેલાડીઓ છેક છેલ્લે સુધી ઝઝુમી હતી અને ઓસ્ટ્રેલિયાના 172 રનના સ્કોરનો પીછો કરતાં છેક 167 પર આવીને અટકી હતી. એટલે ભારતીય મહિલા ખેલાડીઓેએ ઓસ્ટ્રેલિયાની ટીમને આકરી ટક્કર આપી હતી. ભારત વતી કેપ્ટન હરમનપ્રીત કૌરે અર્ધ સદી ફટકારી હતી તેણે 54 રન કર્યાં હતા. 

વર્લ્ડ કપ જીતવાનું ભારતનું સપનું ઓસ્ટ્રેલિયાએ ફરી તોડ્યું
5 વાર ટી20 ચેમ્પિયન એવા ઓસ્ટ્રેલિયાએ ટી 20 વર્લ્ડ કપ જીતવાનું ભારતનું સપનું ફરી વાર તોડી નાખ્યું છે. ભારતને હરાવીને ઓસ્ટ્રેલિયા ટી20ની ફાઈનલમાં આવી ગયું છે. 

ઓસ્ટ્રેલિયા સામે ટીમ ઈન્ડિયા નબળી

જો ઓસ્ટ્રેલિયા સામેના ટી-20ના રેકોર્ડ પર નજર નાખવામાં આવે તો ભારતીય ટીમનો રેકોર્ડ અત્યંત નબળો રહ્યો છે. ભારત અને ઓસ્ટ્રેલિયા વચ્ચે અત્યાર સુધી 30 ટી-20 મેચ રમાઈ છે જેમાંથી ભારતની ફક્ત 6  તો ઓસ્ટ્રેલિયાની 22 મેચમાં જીત થઈ છે એક મેચ અનિર્ણિત રહી હતી અને એકમાં ટાઈ પડી હતી. 

ભારત વિરુદ્ધ ઓસ્ટ્રેલિયા વિમેન્સ ટી-20 રેકોર્ડ
કુલ ટી-20 મેચ : 30
ભારત જીત્યું : 6
ઓસ્ટ્રેલિયા જીત્યું : 22
અનિર્ણિત : 1
ટાઇ : 1
ભારતીય મહિલા ક્રિકેટ ટીમ
હરમનપ્રીત કૌર (કેપ્ટન), સ્મૃતિ મંધાના, શેફાલી વર્મા, યાસ્તિકા ભાટિયા, ઋચા ઘોષ, જેમિમા રોડ્રિગ્સ, હરલીન દેઓલ, દીપ્તી શર્મા, દેવિકા વૈદ્ય, રાધા યાદવ, રેણુકા ઠાકુર, અંજલી સરવાની, પૂજા વસ્ત્રાકર, રાજેશ્વરી ગાયકવાડ, શિખા પાંડે

ઓસ્ટ્રેલિયન મહિલા ક્રિકેટ ટીમ
મેગ લેનિંગ (કેપ્ટન), એલિસા હિલી, ડાર્સી બ્રાઉન, એશ્લે ગાર્ડનર, કિમ ગાર્થ, હીથર ગ્રાહમ, ગ્રેસ હેરિસ, જેસ જૉનસન, અલાના કિંગ, તાહિલા મેક્ગ્રા, બેથ મૂની, એલિસ પેરી, મેગન શટ, એનાબેલ સધરલેન્ડ, જૉર્જિયા વેરહમ. 

Women T20 WC Semifinal IND W vs AUS W SF India vs Australia Womens Semifinal ભારત-ઓસ્ટ્રેલિયા સેમિફાઈનલ ટી20 વર્લ્ડ કપ સેમિફાઈનલ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ