મહિલા વિશ્વ બોક્સિંગ ચેમ્પિયનશિપમાં મનીષાએ પ્રી-ક્વાર્ટર ફાઇનલમાં કર્યો પ્રવેશ

ભારતીય બોક્સર મનીષા મોન (54 કિ.ગ્રા)એ જીતનો જલવો જાળવી રાખવા રવિવારનાં રોજ મહિલા વિશ્વ બોક્સિંગ ચેમ્પિયનશીપનાં પ્રી ક્વાર્ટરફાઇનલમાં કઝાખસ્તાનની બોક્સર ડિના જોલામૈનને આકરો પરાજય આપ્યો. 21 વર્ષીય મનીષાએ ડિનાને 5-0 (29-28 30-27 30-26 29-28)થી હરાવી.

તમને જણાવી દઇએ કે શુક્રવારનાં રોજ કેડી જાધવ ઇન્ડોર સ્ટેડિયમમાં થયેલ મુકાબલામાં મનીષાએ અમેરિકાની અનુભવી અને 2016 વિશ્વ ચેમ્પિયનશીપની કાંસ્ય ચંદ્રક વિજેતા ક્રિસ્ટીના ક્રૂઝ પર 5-0 (29-28 30-27 30-26 29-28)થી શાનદાર જીત હાંસલ કરી અને પ્રી-ક્વાર્ટર ફાઇનલમાં જગ્યા બનાવી હતી.