મદદની અપીલ / મારી દીકરીને પાછી લાવી આપો મોદી સાહેબ: કમલમ્ બહાર આંસુઓ સારતી બેઠી માં, ઘટના જાણી હૈયું દ્રવી ઉઠશે

PM મોદીની મદદ લેવા મહિલા કમલમ પહોંચી
14 માસથી મહિલાની બાળકી જર્મન સરકારના કબજામાં
મહિલાના સાસુથી અજાણતા દીકરીને પહોંચી હતી ઈજા

14 માસથી જર્મન સરકારના કબ્જામાં રહેલી દીકરીને છોડાવવા માટે આજે માતા ગાંધીનગર કમલમ ખાતે PM મોદીની મદદ લેવા પહોંચી હતી. અનેક જગ્યાએ રજૂઆત કરવા છતાં કોઈ મદદ ન મળતા મહિલા પહોંચી કમલમ પહોંચી હતી. માતાના રૂદનની આ કણસ સાંભળી તમારો જીવ પણ ઉકળતા ચરૂને જેમ સળગી ઉઠશે.

14 માસથી દીકરી જર્મન સરકારના કબ્જામાં
મૂળ ઘાટલોડિયાના રહેવાસી ધારા શાહ 2018માં જર્મની ગયા હતી. ત્યારે જર્મનીમાં તેમના સાસુથી બાળકી (અરીહા)ને અજાણતા પ્રાઈવેટ પાર્ટમાં ઈજા પહોંચી હતી. બાળકીને ઈજા પહોંચતા તેઓ બાળકીને હોસ્પિટલમાં લઈ ગયા હતા. પ્રાઈવેટ પાર્ટમાં ઈજા પહોંચતા બાળકીનો કબજો જર્મન ચાઈલ્ડ સર્વિસીસે લઈ લીધો હતો અને ધારા શાહ અને તેના પરિવાર પર સેક્યુઅલ અબ્યુસનો ચાર્જ લગાવ્યો હતો. જો કે, પુરાવા આપ્યા બાદ સેક્યુઅલ અબ્યુસનો ચાર્જિસ હટાવવામાં આવ્યો હતો. 

દીકરીનો કબ્જો મેળવવા અનેક જગ્યાએ મહિલાએ માગી મદદ
પરંતુ હજી પણ બાળકીનો કબજો જર્મન ચાઈલ્ડ સર્વિસિસ દ્વારા રાખવામાં આવ્યો છે. આ અંગે તેમણે ભારત સરકારના સામાજિક કલ્યાણ મંત્રાલયને પણ રજૂઆત કરી છે.  બાળકીનો પાસપોર્ટ પણ હાલ જર્મન સરકારના કબજામાં છે, જેથી મહિલાને એ ચિંતા પણ સતાવી રહી છે કે જો કાયદાકીય લડાઈ લાંબી ચાલી તો બાળકી ભારતીય કલ્ચર સાથેનો સંપર્ક ગુમાવી બેસશે. બાળકીનો કબજો પરત મેળવવા મહિલાએ અનેક જગ્યાએ રજૂઆત કરી છે. તેમ છતાં બાળકીનો કબજો પરત મળ્યો નથી. કાયદાની ગૂંચવણ એટલી જટીલ છે કે છેલ્લા 14 મહિનાથી પોતાની માસૂમનો કબ્જો નથી મેળવી શક્યા. 

મદદ માટે કમલમ પહોંચી માતા
અનેક જગ્યાએ રજૂઆત કરવા છતાં કોઈ જગ્યાએથી મદદ ન મળતા બાળકીની માતા આજે PM મોદીની મદદ લેવા માટે કમલમ પહોંચી હતી. કમલમની બહાર બેસીને મહિલાએ પીએમ મોદી પાસે મદદ માંગી હતી.