ગૌરવ / 15 ઑક્ટોબરે કચ્છમાં ઐતિહાસિક ઘટનાનું પુનરાવર્તન: ભુજ રન-વે પર ઉડાન ભશે મહિલા પાયલટ, જાણો શું છે ખાસ

• કચ્છમાં ભારતની પ્રથમ કોમર્શિયલ ફ્લાઈટનું પુનરાવર્તન
• ઐતિહાસિક ઘટનાના પુનરાવર્તન માટે ભુજ રન-વે ની પસંદગી
• 15 ઓક્ટોબરે ભુજ રન-વે પરથી ઉડાન ભરશે

થોડા સમય પહેલા આવેલી ફિલ્મ ભૂજ ધ પ્રાઇડ ઓફ ઇન્ડિયાએ સમગ્ર ભારતના લોકોને ઐતિહાસિક ભૂમિથી વાકેફ કરાવ્યા હતા. 72 કલાકમાં મહિલાઓએ રનવે તૈયાર કરી દીધો હતો પરંતુ તે બાદ ભૂજ રનવે પરથી કોઇ ફ્લાઇટ ઉડી નથી. ત્યારે આગામી 15 ઓક્ટોબરે વિમાન આ રન-વે પરથી ઉડાન ભરશે.

કચ્છમાં ભારતની પ્રથમ કોમર્શિયલ ફ્લાઈટનું પુનરાવર્તન થશે
ઘણા વર્ષોથી જે રનવે પર કોઇ ફ્લાઇટ નહોતી ઉડી તેના પર હવે ઐતિહાસિક ઘટનાનું પુનરાવર્તન થવા જઇ રહ્યું છે. આ ઉડાનની ખાસ વાત તો તે છે કે આ પ્લેનને મહિલા પાયલટ આરોહી પંડીત ઉડાવશે. 

મહિલા પાયલટ ભરશે ઉડાન
IWPAના મહિલા પાયલટ આરોહી પંડિત વિમાનની કમાન સંભાળશે. મહત્વનું છે કે, આરોહી પંડિત એટલાન્ટિક અને પેસિફિક સમુદ્ર પાર કરનારી પહેલી મહિલા પાયલટ છે. ઘણા વર્ષો પહેલા વર્ષ 1932માં JRD ટાટા દ્વારા પ્રથમ કોમર્શિયલ ફ્લાઇટે ઉડાન ભરી હતી. આપણે સૌ જાણીએ છીએ કે ભારત-પાકિસ્તાન યુદ્ધમાં તૈયાર ભુજ રન-વે કરાયો હતો. ત્યારે માધાપર ગામની વિરાંગનાઓએ 72 કલાકમાં તૂટી ગયેલો રન-વે ફરી બનાવ્યો હતો.