ઉજવણી / વીરાને રક્ષાસૂત્ર: ગુજરાતની મહિલા સાંસદોએ કરી રક્ષાબંધનની ઉજવણી, દિલ્હી જઇને PM મોદીને બાંધી રાખડી

• ગુજરાતની મહિલા સાંસદોએ ઉજવી રક્ષાબંધન
• પીએમ મોદીને બાંધી રાખડી
• પીએમ મોદીની ભગવાન રક્ષા કરે તેવી પ્રાર્થના કરી 

રક્ષાબંધન પર્વને હવે ગણતરીના દિવસો જ બાકી છે. દેશભરમાં રક્ષાબંધનની તૈયારીઓ જોરશોરથી ચાલી રહી છે. બહેન પોતાના ભાઇ માટે રાખડી ખરીદતી જોવા મળી રહી છે. બજારોમાં પણ અત્યારે રક્ષાબંધનને લઇને રોનક જોવા મળી રહી છે. કોઇ પોતાના ભાઇને વિદેશ રાખડી મોકલી રહ્યુ છે તો કોઇ બહેન પોતાના દૂર રહેતા ભાઇને મળવા માટે અત્યારથી જ પહોંચી ગયા છે. ત્યારે ગુજરાત ભાજપમાં પણ રક્ષાબંધન પર્વની અત્યારથી જ ઉજવણી કરવામાં આવી..

ગુજરાતની મહિલા સાંસદોએ પીએમ મોદીને બાંધી રાખડી 

ગુજરાતની મહિલા સાંસદોએ પીએમ મોદીને રાખ઼ડી બાંધી. મહિલા સાંસદોને રાખડી બાંધવાનું સૌભાગ્ય મળતા તમામના ચહેરા પર હરખની લાગણી જોવા મળી હતી. મહેસાણાના સાંસદ શારદાબેન, છોટાઉદેપુરના સાંસદ ગીતાબેન રાઠવા, વડોદરાના સાંસદ રંજનબેન ભટ્ટ, ભાવનગરના સાંસદ ભારતીબેન શિયાળ તથા મંત્રી-સાંસદ દર્શના જરદોષે પણ પ્રધાનમંત્રી નરેન્દ્ર મોદીને રાખડી બાંધી હતી. પીએમ મોદી મા ભારતીની આવી રીતે સેવા કરતા રહે, યશ-કિર્તી સદૈવ આ રીતે જ વધતી રહે અને તેમનો પ્રેમ અને આશીર્વાદ સદૈવ મળતા રહે. ભારતની રક્ષા કરનાર પીએમ મોદીની ભગવાન હંમેશા રક્ષા કરે તેવી આશા સાથે મહિલા સાંસદોએ રાખડી બાંધી હતી. 
 

સાંસદ રંજનબેન ભટ્ટે પણ આ પળો ફેસબુકમાં શેર કરી હતી