મુંબઇ: બોલીવુડ સુપર સ્ટાર બધું કામ છોડીને પોતાના NGO પાની ફાઉન્ડેશનને પ્રમોટ કરી રહ્યો છે. મહારાષ્ટ્રમાં દુષ્કાળની પરિસ્થિતિને લઇને એ પાની ફાઉન્ડેશન દ્વારા સતત કામ કરી રહ્યો છે. આમિરની આ ચળવળ મહારાષ્ટ્રના અલગ અલગ ગામ માટે છે.
આમિરે એક ઇન્ટરવ્યૂમાં જણાવ્યું કે જ્યારે એને મહારાષ્ટ્રમાં લોકોને પાણી બચાવવા માટે વોટર મેનેજમેન્ટની ટ્રેનિંગ શરૂ કરી તો ત્યાંની મહિલાઓએ ખૂબ ભાગ લીધો. પરંતુ ગામના પુરુષો ટ્રેનિંગમાં ના આવવા બહાના કાઢતા અને ઝાડ નીચે બેસીને જુગાર રમતા હતા. પહેલા તો કોઇ પણ વ્યક્તિ આ બાબત પર બોલ્યું નહીં પરંતુ એ ગામની દરેક મહિલાઓએ એક નિર્ણય લીધો અને એ ઘર પરિવાર છોડીને દિવસભર આમિરની ટીમની સાથે કામ કર્યા બાદ રાતે મંદિરમાં રહેવા લાગી. મહિલાઓનું કહેવું હતું કે જ્યાં સુધી એ ગામના પુરુષો જુગાર અને દિવસ બરબાદ કરવાનું નહીં છોડે ત્યાં સુધી તેઓ ઘરે જશે નહીં.
ઘણા દિવસો સુધી એ આવું કરતી રહી અને અંતે જુગાર છોડીને ગામના પુરુષોએ પણ પાણી ફાઉન્ડેશનની સાથે કામ કરવાનું શરૂ કરી દીધું.