વસ્તીને અંકુશમાં રાખવા માટે ચાઇનામાં દાયકાઓ પહેલાં એક બાળકની નીતિ અપનાવવામાં આવી હતી. આનાથી વસ્તી નિયંત્રણ થઈ ગયું પરંતુ તેની આડઅસર પણ થઈ. ચીનના શાંઘાઇમાં ફુડાન યુનિવર્સિટીના પ્રોફેસરે ત્યાંની સરકારને એવી સલાહ આપી છે જે ચર્ચાનો વિષય બન્યા છે.
મહિલાઓને એક કરતા વધારે પતિ રાખવા દેવા જોઈએ
...તો હું એક કરતા વધુ પતિ રાખવાની ભલામણ ન આપતો
લિંગ રેસિયામાં સુધારો લાવવા માટે વિચારણા કરી શકીએ
હવે ચીનના શાંઘાઇમાં ફુડાન યુનિવર્સિટીના પ્રોફેસરે ત્યાંની સરકારને વિચિત્ર સલાહ આપી છે. ઇકોનોમિક્સના પ્રોફેસર ઇયુ ક્વાંગ એનજીએ કહ્યું છે કે ચીનમાં મહિલાઓને એક કરતા વધારે પતિ રાખવા દેવા જોઈએ. પતિની સંખ્યા બે હોઈ શકે છે. આની પાછળ તેમનો તર્ક છે કે એક કરતા વધારે સંતાનોનો જન્મ શક્ય બનશે.
પ્રોફેસર ક્વાંગે એક બિઝનેસ વેબસાઇટ પર લખાયેલા લેખમાં સરકારને આ સૂચન કર્યું છે. તેમણે પોતાના લેખમાં કહ્યું છે કે જો ચીનમાં જાતિ રેસિયો એટલો અસંતુલિત ન હોત તો હું એક કરતા વધુ પતિ રાખવાની ભલામણ ન આપતો.
તેમણે કહ્યું કે હું એક કરતા વધારે પતિ રાખવાની હિમાયત કરતો નથી, હું ફક્ત સૂચન કરું છું કે આપણે લિંગ રેસિયામાં સુધારો લાવવા માટે વિચારણા કરી શકીએ.
ઉલ્લેખનીય છે કે ચીનમાં એક બાળકની નીતિ વર્ષ 1980 માં શરૂ કરવામાં આવી હતી. જેને વર્ષ 2016 માં દૂર કરવામાં આવી છે. આ સમય દરમિયાન લઘુમતીઓ પર બાળકોની સંખ્યા પર કોઈ પ્રતિબંધ નહોતો. ચીનના ગ્રામીણ વિસ્તારોને પણ આ નિયમથી મુક્તિ આપવામાં આવી હતી.
પ્રો.ક્વાંગના જણાવ્યા મુજબ, હાલમાં ચીનમાં લિંગ રેસિયો 117/100 છે. આનો અર્થ એ છે કે ત્યાં 117 છોકરાઓ સામે માત્ર 100 છોકરીઓ છે.
ચીનમાં સેક્સ રેસિયો નબળો હોવાને કારણે ઘણા યુવકોને લગ્ન માટે છોકરીઓ મળતી નથી. આવી સ્થિતિમાં પ્રોફેસરે ભવિષ્યમાં લિંગ રેસિયો ઠીક કરવા સરકારને આવી સલાહ આપી છે.