વિદેશ / અફઘાનિસ્તાનમાં હવે મહિલાઓએ કરવું પડશે આ કામ, તાલિબાને કરી મોટી જાહેરાત

• તાલિબાનોએ અફઘાનિસ્તાનનો સંપૂર્ણ કબજો જમાવ્યો
• મહિલાઓ પર આપ્યું મોટું નિવેદન 
• તાલિબાનો મહિલાઓ ભણવાની આઝાદી આપશે
• તાલિબાની રાજમાં મહિલાઓએ ઈસ્લામના શરિયા કાયદાનું પાલન કરવું પડશે.

તાલિબાની પ્રવક્તા ઝબીઉલ્લાહ મુજાહિદે જણાવ્યું કે મહિલાઓએ હિજાબ પણ પહેરવો પડશે. તેમણે કહ્યું કે મહિલાઓને ભણવાની મંજૂરી અપાશે પરંતુ તેમન માટે હિજાબ પહેરવો જરુરી છે.

જલાલીનું રાજ મંજૂર નથી-તાલિબાન
તાલિબાની પ્રવક્તાએ સ્પસ્ટ શબ્દોમાં જણાવ્યું કે તેમને અલી અહમદ જલાલીનુ સત્તામાં આવવું જરા પણ મંજૂર નથી. અને તાલિબાન જલાલીનું કદી પણ સમર્થન નહીં કરે. તાલિબાનને જલાલીના રાષ્ટ્રપતિ બનવાનો પ્રસ્તાવ મંજૂર નથી. 

તાલિબાને કહ્યું, કોઈ વચગાળાની સરકાર નહીં
તાલિબાનના બે અધિકારીઓએ જણાવ્યું કે અફઘાનિસ્તાનમાં સત્તા હસ્તાંતરણ માટે વચગાળાની કોઈ સરકાર નહીં બને. તેમણે બન્નેએ કહ્યું કે તેઓ અફઘાનિસ્તાનની સંપૂર્ણ સત્તા સંભાળવા જઈ રહ્યાં છે.

કાબુલમાં ભીષણ આગ, ઠેકઠેકાણે આગજની અને ગોળીબાર

કાબુલમાં તાલિબાની આતંકીઓ ઘુસતા સ્થિતિ વધારે ખરાબ બની છે. ઘણે ઠેકાણે આગજની અને ગોળીબારના રિપોર્ટ આવી રહ્યાં છે. કાબુલ એરપોર્ટ પર પણ ભીષણ આગ લાગી છે. તાલિબાને કહ્યું છે કે શાંતિ વ્યવસ્થા જાળવી રાખવાની કોશિશ કરાઈ રહી છે.