coronavirus / લૉકડાઉનની વચ્ચે મહિલાએ રાખી સભા, પોલીસે પાડી ના તો તલવાર પકડીને થઇ ઊભી અને...

• આ મહિલા ખુદને મા ની શક્તિ માને છે
• મહિલાએ બુધવારે સવારે એક ધાર્મિક સભાનું આયોજન કર્યું
• શ્રદ્ધાળુઓ સીધા બિહારથી આવ્યા હતા

વાસ્તવમાં ખુદને ભગવાનનું રૂપ માનનારી આ મહિલાએ બુધવારે સવારે એક ધાર્મિક સભાનું આયોજન કર્યું અને એને સમાપ્ત કરવા માટે ના પાડી દીધી. મહિલાએ પોલીસકર્મીઓને તલવારથી પણ રોકવાનો ટ્રાય કર્યો અને 21 દિવસ સુધી ઘરમાં બંધ રાખવાનો આદેશ માનવાની પણ ના પાડી દીધી, આ કારણે પોલીસને લાઠીચાર્જ દ્વારા શ્રદ્ધાળુઓને હટાવવા પડ્યા. એમાંથી કેટલાક શ્રદ્ધાળુઓ સીધા બિહારથી આવ્યા હતા. 

પ્રધાનમંત્રી નરેન્દ્ર મોદી દ્વારા લૉકડાઉનની જાહેરાતના આગળના દિવસે જ ખુદને મા ની શક્તિ માનનારી આ મહિલાએ ધાર્મિક સભાનું આયોજન કર્યું  અને સોશિયલ ડિસ્ટેન્સિંગ બનાવી રાખવાના તમામ નિયમોનું ઉલ્લંઘન કરતા નજરે આવી. તમને જણાવી દઇએ કે દેશમાં અત્યાર સુધી કોરોનાવાયરસના 560 કેસ સામે આવી ચુક્યા છે. 

ઉત્તર પ્રદેશના દેવરિયાના મેઘા પૂર્વામાં સ્થિત મહિલાના ઘર પર બુધવારે 100 લોકો એકત્રિત થયા હતા. તમને જણાવી દઇએ કે, દેવરિયા લખનઉથી લગભગ 300 કિલોમીટર દૂર સ્થિત  છે. કોઇકે પોલીસને આ માટેની જાણકારી આપી, ત્યારબાદ કેટલાક પોલીસકર્મી લાકડીઓ સાથે પહોંચ્યા. ત્યારબાદ પોલીસ સતત ત્યાં હાજર ભક્તો અને મહિલાને લાઉડસ્પીકર દ્વારા સમજાવતી રહી અને એમને પોતપોતાના ઘરે જવા માટે કહ્યું. 

વીડિયો ફુટેજમાં મહિલા, પોલીસની તરફતલવાર ઊઠાવતા નજરે આવે છે. જો કે મહિલાની ધરપકડ કર્યા બાદ હવે વિસ્તારમાં શાંતિનો માહોલ છે અને તમામ લોકો પોતાના ઘરમાં બંધ છે.