Hockey / ચેમ્પિયન ટ્રોફીમાં ભારતનો દબદબો, થઈ બીજી જીત, છેલ્લી 3 મિનિટમાં મેચ પલટી

Hockey Womens Asian Champions Trophy 2024: મહિલા એશિયન ચેમ્પિયન્સ ટ્રોફી 2024માં ભારતીય હોકી ટીમે રોમાંચક રીતે દક્ષિણ કોરિયાને 3-2થી હરાવ્યું છે. ગ્રુપ સ્ટેજમાં ટીમ ઈન્ડિયાની આ સતત બીજી જીત છે.

આ મેચ બિહારના રાજગીર હોકી સ્ટેડિયમમાં રમાઈ હતી. સંગીતા કુમારીએ ત્રીજી મિનિટે જ ભારતને 1-0ની સરસાઈ અપાવી હતી. દીપિકાએ 20મી મિનિટે ટીમ ઈન્ડિયાને 2-0થી આગળ કરી દીધી હતી.

દક્ષિણ કોરિયા માટે પહેલો ગોલ યુરી લીએ 34મી મિનિટે કર્યો હતો. માત્ર 3 મિનિટ પછી, યુનબી ચેઓન તેની ટીમને ભારત સાથે 2-2ની બરાબરી પર લાવ્યા.

મેચ ખતમ થવામાં માત્ર 3 મિનિટ બાકી હતી ત્યારે દીપિકાએ ગોલ કરીને ભારતને ફરી લીડ અપાવી હતી. અંતે ટીમ ઈન્ડિયાનો 3-2થી વિજય થયો હતો.

આ જીત સાથે મહિલા ભારતીય ટીમ હોકી રેન્કિંગમાં નવમા સ્થાને પહોંચી ગઈ છે અને યજમાન ભારત તેની બંને મેચ જીતીને ચેમ્પિયન્સ ટ્રોફી ટેબલમાં બીજા સ્થાને છે.

વધુ વાંચોઃ દુનિયામાં નંબર 1 ઓલરાઉન્ડરે સંન્યાસનું કર્યું એલાન, ચાહકોને લાગ્યો આઘાત, કરિયર શાનદાર

એશિયન ચેમ્પિયન્સ ટ્રોફીની પ્રથમ મેચમાં ભારતે મલેશિયાને 4-0થી હરાવ્યું હતું. હવે દક્ષિણ કોરિયાને હરાવીને તેણે સતત બીજી જીત નોંધાવી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ