રોડ રોમીયો અલગ અલગ પ્રકારની જેવીકે બીભત્સ ઇશારા કરવા, અશ્લીલ શબ્દો બોલવા, ચીઠ્ઠીમાં મોબાઇલ નંબર લખીને આપવો જેવી અનેક પ્રકારની હરકતો કરીને મહિલાઓ તેમજ યુવતીઓની છેડતી કરતા હોય છે જેને રોકવા માટે પોલીસ સી-ટીમની રચના કરી છે. નરોડા વિસ્તારમાં છેલ્લા ત્રણ મહિનામાં સી-ટીમના હાથે સાત રોડ રોમીયો ઝડપાયા છે જે મહિલાઓ અને યુવતીઓની છેડતી માટે “ચાલો મોજ કરવા આવવુ છે” તેવા એક સ્પેશિયલ શબ્દનો ઉપયોગ કરી રહ્યા છે.
કેમ એક જ શબ્દનું વપરાય છે વારંવારં
ચાલો મોજ કરવા આવવું છે
નરાડો બેઠક ત્રણ રસ્તા પાસે રોમીયો વધારે ઝડપાયા
શહેરના રસ્તા, સ્કુલ, કોલેજ, મોલ, શાકમાર્કેટ જેવી જગ્યા પર યુવતીઓ તેમજ મહિલાઓની જાહેરમાં છેડતી કરતા રોડ રોમીયોને રોકવા માટે સી-ટીમ શરુ કરવામાં આવી છે. છેલ્લા ત્રણ ચાર મહિનાથી શરુ થયેલી સી-ટીમે છેડતી કરનાર રોમીયોની સામે લાલ આંખ કરીને સંખ્યબંધ કેસો કર્યા છે.
અમદાવાદના તમામ પોલીસ સ્ટેશનમાં એક સી-ટીમ કાર્યરત છે જેનું કામ રોડરોમીયોને ઝડપી પાડવાનું છે. આજે નરોડા પોલીસ સ્ટેશનની સી-ટીમે નરોડા સુતરના કારખાના પાસેથી એક 22 વર્ષના પિયુષ અમરતભાઇ ગર્વ (રહે જયઅંબે એપાર્ટમેન્ટ, નરોડા)ની ધરપકડ કરી હતી જેમાં તે આવતી જતી મહિલાઓને જોઇને ચાલો મોજ કરવા આવવું છે તેવા શબ્દોનો ઉપયોગ કરીને છેડતી કરતો હતો.
ચાલો મોજ કરવા આવવું છે
30 સપ્ટેમ્બરથી આજ દિન સુધી એટલેકે સવા મહિનામાં કુલ 6 છેડતીના કેસ નરોડા પોલીસ સ્ટેશનમાં નોંધાયા છે જેમાં પાંચ કેસમાં ઝડપાયેલા છ આરોપી યુવકોએ છેડતીનો ભોગ બનેલી મહિલા અને યુવતીઓને ચાલો મોજ કરવા આવવું છે તેવા શબ્દનો ઉપયોગ કર્યો છે.
નરાડો બેઠક ત્રણ રસ્તા પાસે રોમીયો વધારે ઝડપાયા
સી-ટીમે તારીખ 2 નવેમ્બરના રોજ 40 વર્ષના કિંજલ મહેન્દ્રચંદ દિવાન (રહે ન્યુ અમરપાર્ક, નરોડા) અને 32 વર્ષના પ્રકાશ ધનાભાઇ બારોટ (રહે ખોડીયારનગર, નરોડા)ની ધરપકડ કરી હતી ત્યારે તારીખ 17 ઓક્ટોમ્બરે 47 વર્ષના વિનોદ ઇશ્વરભાઇ સોલંકી (રહે નિલકમલ સોસાયટી, નરોડા)ની ઘરપકડ કરી હતી. તારીખ 11 ઓક્ટોમ્બરે પણ 26 વર્ષના આકાશ મોહનભાઇ પ્રજાપતિ (રહે, બ્રહ્મપોળ નરોડા) તેમજ 30 સ્પટેમ્બરના રોજ 30 વર્ષના શિવકુમાર નારાયણભાઇ દિયા (રહે જીવરાજપાર્ક, સેટેલાઇટ)ની ધરપકડ કરી હતી.
નરોડા બેઠક પર થાય છે સૌથી વધુ છેડતી
છ કેસો પૈકી ચાર કેસોમાં પોલીસ નરોડા બેઠક ત્રણ રસ્તા પાસેથી રોમીયોની ધરપકડ કરી છે એટલો એનો મતલબ એ છેકે નરોડ બેઠક ત્રણ રસ્તા પાસે મહિલાઓની સૌથી વધુ છેડતી થાય છે.
પોલીસ ફરિયાદનું એકજ ફોરમેટ હોવાથી આ શબ્દનો ઉપયોગ વાંરવાર થાય છે
પોલીસની કામગીરી ઓછા સમયમાં પુરી થાય તેના કારણે ફરિયાદનું ફોરમેટ તૈયાર હોય છે તેમા માત્ર આરોપી ફરિયાદી અને ઘટના સ્થળનો તેમજ સમય બદલવાનો હોય છે. રોડ રોમીયો વિરુધ્ધમાં ગુનો દાખલ કરવા માટે પોલીસને વધુ મહેનત કરવી પડે નહી તે માટે એક ફોરમેટનો ઉપયોગ થાય છે જેના કારણે આ શબ્દનો વારેવારે ઉલ્લેખ થાય છે.