ગીર-સોમનાથમાં મહિલાના સારવાર દરમિયાન મોત મામલે પરિવાર મૃતદેહ સાથે પોલીસ મથક પહોંચ્યો હતો. અને પોલીસ પર આક્ષેપો કર્યા હતા. ગીર-સોમનાથની હોસ્પિટલમાં સારવાર હેઠળ મહિલાનો પરિવાર ખર્ચાના નાણાં લેવા માટે ઘરે જઈ રહ્યો હતો.
ગીર-સોમનાથમાં મહિલાના મૃત્યુ મામલે હોબાળો
મહિલાનો મૃતદેહ લઈને પરિવાર પહોંચ્યો પોલીસ સ્ટેશન
મૃતક મહિલાના પરિવારજનોએ પોલીસ પર કર્યો આક્ષેપ
આ દરમિયાન પોલીસ દ્વારા પીડિતાના પરિવારજનોને ડિટેઈન કરવાની ઘટના બની હતી. પીડિતાનો પરિવાર સારવારના નાણાં સાથે હોસ્પિટલ પહોંચે તે પહેલા જ તેનું મોત નિપજ્યું હતું. જેના કારણે પરિવારમાં રોષ ફેલાયો હતો.
રોષે ભરાયેલો પરિવાર મૃતકના મૃતદેહ સાથે પોલીસ સ્ટેશન પણ પહોંચ્યો
પરિવારના સભ્યોએ જણાવ્યું હતું કે, તે પોતાના સ્વજનને સારવાર માટે અન્ય હોસ્પિટલમાં ખસેડવાના હતા. અને તેની સારવાર માટે નાણાની વ્યવસ્થા કરવામાં આવી રહી હતી. પરંતુ પોલીસ દ્વારા તેમને ડિટેઈન કરવામાં આવતા સમયસર પહોંચી શક્યા નહોતા. જેથી મહિલાનું મોત નિપજ્યું છે. રોષે ભરાયેલો પરિવાર મૃતકના મૃતદેહ સાથે પોલીસ સ્ટેશન પહોંચ્યો હતો. જેને લઈ પોલીસ મથક પર પણ હોબાળો સર્જાયો હતો.
મેમો ભરવા આવેલી મહિલા સાથે અમદાવાદ પોલીસ કર્મીની કનડગતનો વીડિયો વાયરલ
ગઈકાલે પણ અમદાવાદ પોલીસ દ્વારા એક મહિલાનું વાહન ડિટેઈન કરીને દંડની રકમ ભરવા આવેલ મહિલાને બે કલાક સુધી બેસાડી રાખી હતી. અને મહિલાની સાથે કનડગત કરવામાં આવી હતી. પોલીસ કર્મચારી દ્વારા મહિલાને થોડો સમય બેસવાનું જણાવી 2 કલાકનો સમય બગાડ્યો હતો. મહિલાએ કહ્યું કે, પોલીસ કર્મચારીએ મેમો બનાવતા સમયે માસ્ક પણ પહેર્યું નહોતું. આ ઘટનાનો એક વીડિયો સોશિયલ મીડિયામાં પણ વાઈરલ થયો હતો.