વધુ એક આયેશા / 'સોરી પપ્પા મારે સાસરે નહોતુ આવવું જોઇતુ અને...' ધ્રુસકે ને ધ્રુસકે રડીને મહિલાએ કરી આત્મહત્યા 

• સાસુ અને પિતા પર લગાવ્યા આરોપ 
• ઝારખંડની યુવતીએ લગાવી ફાંસી 
• ધનબાદમાં આયેશા જેવો કિસ્સો આવ્યો સામે 

ઝારખંડના ધનબાદમાં રેલવેકર્મીની પત્નીએ સાસરામાં પંખે લટકીને આત્મહત્યા કરી લીધી હતી. વાયરલ વીડિયોના કારણે સમગ્ર ઝારખંડમાં ખળભળાટ મચી ગયો છે. વીડિયોમાં તે રોઇ રોઇને પોતાના પતિ અને સાસરીપક્ષના લોકો પર આરોપ લગાવી રહી છે. 

બુધવારે કોમલ નામની મહિલાએ એક વીડિયો પોસ્ટ કર્યો અને તેમાં તે કહી રહી છે કે સોરી પપ્પા, મે મોટી ભૂલ કરી દીધી સાસરે આવીને, મે તમારી વાત ન સાંભળી, મને લાગ્યું કે મારો પતિ સુધરી ગયો છે પરંતુ તેણે ફરીથી મારી સાથે મારપીટ શરૂ કરી દીધી છે. મરતા પહેલા હું કહેવા માંગુ છુ કે મારા દીકરાનું ધ્યાન રાખજો. 

પોસ્ટમોર્ટમ બાદ કોમલનું શબ પિયર પહોંચ્યુ ત્યારે પરીવારના લોકો પર આભ તૂટી પડ્યુ હતુ. ઘરનો માહોલ ગમગીન થઇ ગયો હતો અને કોમલની માતા તેમજ બહેને તેના પતિ અને સાસરીપક્ષના લોકોને કડક સજા મળે તેવી માગ કરી છે. 

અમદાવાદમાં પણ આવી ઘટના બની હતી
અમદાવાદની આયશા નામની મહિલાએ સાબરમતી નદીમાં ઝંપલાવીને આપઘાત કરી લીધો હતો. આ આપઘાત કરતા પહેલા રિવરફ્રન્ટ પર હસ્તા હસ્તા પોતાનો અંતિમ વીડિયો બનાવ્યો હતો. વીડિયોમાં મહિલા પોતાના પતિ સાથેના અણગમા વિશે અને હું ખુશ છું અલ્લાહ પાસે જઈ રહી છું, તેવુ કહેતી નજરે ચડે છે. બાદમાં મહિલાએ પોતાનો આ અંતિમ વીડિયો પોતાના પતિને મોકલ્યો હતો. તો મહિલાએ આત્મહત્યા પહેલા પોતાના માતા-પિતા સાથે પણ ફોનમાં વાતચીત કરી હતી. ત્યારબાદ હવે પોલીસે દુષ્પ્રેરણાના આરોપમાં પતિ અને સાસરિયાની શોધખોળ હાથ ધરી છે. તેવામાં હવે આઇશાના પરિવારજનો અને વકીલ દ્વારા કેટલાક આક્ષેપો કરવામાં આવ્યા હતા.