લોકો આજકાલ અવારનવાર ટ્રેનની મુસાફરી કરતા હોય છે. ત્યારે ઘણા લોકો ચાલુ ટ્રેનમાં ચડતા કે ઉતરતા હોય છે અને એક સામાન્ય ભૂલના લીધે તેમનો જીવ જોખમમાં મુકતા હોય છે.
ટ્રેક ઓળંગતા મહિલા પાસે ટ્રેન આવી ચડી
પ્લેટફોર્મની સામેની સાઈડ લોકો ઉતર્યા
જીવન અને મોત વચ્ચે માત્ર થોડી જ સેકન્ડોનું અંતર
લોકો આજકાલ અવારનવાર ટ્રેનની મુસાફરી કરતા હોય છે. જ્યારે પણ મુસાફરો ટ્રેનમાં મુસાફરી કરતા હોય છે, ત્યારે તેમને ગંતવ્ય સ્થાન પર પહોચવાની ઉતાવળ હોય છે. ઘણી વખત કેટલાક મુસાફરો ટ્રેન રેલવે સ્ટેશન પહોંચે તે પહેલા ચેઇન ખેંચીને ટ્રેક પરથી ઉતરી જાય છે. ઘણી વખત એવું જોવા મળે છે કે મુસાફરો ટિકિટ લીધા વિના જ ટ્રેનમાં ચઢી જાય છે અને ટીટીઈથી બચવા માટે ચાલતી ટ્રેનમાંથી ઉતરી જાય છે. જો કે આવા મુસાફરો પોતાનો જીવ જોખમમાં મૂકે છે તેમજ અન્ય મુસાફરોને પણ હેરાન કરે છે. ઘણી વખત આવા મુસાફરોના કારણે ટ્રેન મોડી પડે છે. સોશિયલ મીડિયા પર એક ચોંકાવનારો વીડિયો વાયરલ થઈ રહ્યો છે, જેમાં ઘણા મુસાફરો પ્લેટફોર્મની બીજી બાજુ ટ્રેક પર ઉતરીને પોતાનો સામાન બીજી બાજુ રાખી રહ્યા છે.
મહિલા પાસે અચાનક ટ્રેન આવી જાય છે
સોશિયલ મીડિયા પર વાયરલ થયેલા વીડિયોમાં જોઈ શકાય છે કે રેલવે ટ્રેક પર એક ટ્રેન રોકાઈ રહી છે અને થોડાક મુસાફરો ટ્રેનમાંથી બીજી બાજુ ઉતરીને જઈ રહ્યા છે. આ સાથે જ બીજી બાજુથી આવતી ટ્રેન હોર્ન વગાડી રહી છે, પરંતુ કેટલાક મુસાફરો એવા પણ હતા જેમને એ વાતનો જરા પણ ડર નહોતો કે તે તેમની સાથે અથડાઈ પણ શકે છે. તે રોકાયેલી ટ્રેનમાંથી સામાન બહાર કાઢીને તેના પરિવાર સાથે બીજી બાજુ જવાનો પ્રયાસ કરી રહ્યા હતા. જોકે ટ્રેન ખૂબ નજીકથી પસાર થઈ જતાં એક મહિલા બચી ગઈ હતી. સોશિયલ મીડિયા પર વાયરલ થઇ રહેલા આ વીડિયોને જોયા બાદ તમારા હોશ ઉડી જશે.
લોકોએ આપી પ્રતિક્રિયા
આ વીડીયોમાં જોવા મળે છે કે એક મહિલા બાજુના ટ્રેકપર ઉભેલી ટ્રેનમાંથી પોતાનો સામાન બીજા ટ્રેકને ઓળંગીને મુકવા જાય છે અને ત્યારે જ આગળ એક ટ્રેન આવતી જોવા મળે છે તેમ છતાં પણ તે મહિલા પોતાનો સામાન લેવા માટે ટ્રેક ઓળંગે છે અને અચાનક જ તેમની બાજુના ટ્રેકમાં આવતી ટ્રેન તેની એકદમ નજીકથી પસાર થાય છે. ઘણા લોકોએ વીડીયોમાં પ્રતિક્રિયા આપતા કહ્યું કે જિન્દગી અને મોત વચ્ચે માત્ર થોડા જ સેકંડનું અંતર રહી ગયું.