ગુજરાત રાજ્ય સુરક્ષીત હોવાનું કહેવાઈ રહ્યુ હતુ ત્યારે છેલ્લા 48 કલાકમાં ગુજરાતના સુરત, વડોદરા અને રાજકોટ શહેરમાં દુષ્કર્મની ઘટનાઓ સામે આવી છે. સુરક્ષા મામલે ગુજરાતને પોલીસે રેઢુ મુકી દીધુ હોવની ચર્ચાએ જોર પકડ્યુ છે. મહિલા બાળકીઓ કે યુવતીઓ ગુજરાતમાં સલામત નથી. રાજ્યમાં દિવસે દિવસે કાયદની સ્થિતિ કથળી રહી છે. મહિલાઓની સલામતીને લઈને લોકોમાં રોષ જોવા મળી રહ્યો છે.
રાજ્યમાં 48 કલાકમાં મોટા શહેરોમાં ત્રણ દુષ્કર્મની ઘટના
મહિલાઓની સુરક્ષાને લઈને ઉઠી રહ્યા છે સવાલ
રાજ્યમાં દિવસે દિવસે કથળી રહ્યો છે કાયદો
વારંવાર દુષ્કર્મના કેસ છતાં પોલીસ નિષ્ક્રિય છે. કાયદો વ્યવસ્થા પર સવાલ ઉઠી રહ્યા છે. સુરત, રાજકોટ, વડોદરા જેવા મહાનગરોમાં ઘટના બની છે વડોદરામાં હજુ પણ આરોપીઓ પોલીસના હાથમાં નથી લાગ્યા. ત્યારે પોલીસની કામગીરી પર પ્રશ્નાર્થ થઈ રહ્યા છે એટલુ જ નહી પરંતુ બીજી સ્વયં સેવી સંસ્થાઓ અને મહિલા આયોગ સામે પણ સવાલો થઈ રહ્યા છે.
ગુનેગારો સામે પોલીસની ઢીલી નીતિ સામે સવાલ ઉઠી રહ્યા છે.
શા માટે પોલીસ દુષ્કર્મના આરોપીઓને પકડી શકતી? શું ગુનેગારોને પોલીસનો કોઇ ડર નથી ? ગુજરાતમાં મહિલાની સલમાતી સામે ગંભીર પ્રશ્નો છે. મોટા શહેરમાં સલામતી શ્વાસ લઇ રહ્યો છે તો ગામડામાં શું હશે ?
મહિલા આયોગ કેમ છે ચૂપ
મહિલા અસલામત છતાં મહિલા આયોગને કાંઇ દેખાતું નથી ? મહિલા આયોગ નોટિસ પાઠવીને જ સંતોષ માની લે છે ? મહિલાની સલામતી મુદ્દો આયોગ આક્રમક કેમ નથી ? મહિલા પર બળાત્કાર, હત્યા, મારામારી છતાં આયોગનું કુણુ વલણ ? શું બિહાર અને યુપીના રસ્તે જઇ રહ્યું છે ગુજરાત ? આરોપીઓને કોઇ ડર નહી અને પોલીસનો કોઇ ખોફ નહીં ?
3 મોટા શહેરમાં દુષ્કર્મ ઘટનાઓ
વડોદરામાં બે શખ્સોએ મળીને નવલખી મેદાનમાં સગીરા પર દુષ્કર્મ આચર્યુ. સગીરા પોતાના મિત્રને મળવા પહોંચી હતી ત્યારે બે શખ્સોએ ઝાડીઓમાં લઈ જઈને સગીરા પર દુષ્કર્મ આચર્યુ હતુ. આ મામલે પોલીસે ફરિયાદ તો નોંધી છે, જોકે એક દિવસ વિત્યા બાદ પણ પોલીસ આરોપીઓને પકડી શકી નથી. તો બીજી તરફ રાજકોટમાં 8 વર્ષની બાળકી સાથે અજાણ્યા શખ્સોએ દુષ્કર્મ આચર્યુ. બાળકીનું અપહરણ કરીને દુષ્કર્મ આચરવામાં આવ્યુ હતુ. આ ઘટના બાદ પોલીસે બાળકીને સારવાર માટે સિવિલ હોસ્પિટલમાં ખસેડી હતી.