આજકાલ પુરુષોમાં દાઢી રાખવાની ફેશન વધી રહી છે. ક્રિકેટનું મેદાન હોય કે બોલિવૂડના એક્ટર્સ. દરેક પુરુષોમાં હાલમાં બિયર્ડ ફેશન ફોલો કરવામાં આવી રહી છે. ઓસ્ટ્રેલિયાની યૂનિવર્સિટી ઓફ ક્વીંસલેન્ડના શોધકર્તાઓએ 919 મહિલાઓ પર સર્વે કરવામાં આવ્યો હતો. તેમાં જાણવા મળ્યું છે કે બિયર્ડ રાખનારા પુરુષો પ્રત્યે મહિલાઓ વધારે આકર્ષાય છે.
ઓસ્ટ્રેલિયાની યૂનિવર્સિટી ઓફ ક્વીંસલેન્ડનો સર્વે
ક્લીન શેવ કે બિયર્ડ લૂક, કોને પસંદ કરે છે મહિલાઓ
મહિલાઓ બિયર્ડ રાખનારા પુરુષો પ્રત્યે આકર્ષાય છે
દાઢીવાળા પુરુષો પ્રત્યે મહિલાઓ વધારે આકર્ષાય છે
સર્વેમાં કહેવામાં આવ્યું છે કે દાઢી રાખનારા પુરુષો શારીરિક અને સામાજિક રીતે વધારે પ્રભાવી દેખાય છે. આ કારણે મહિલાઓ તેમની તરફ વધારે આકર્ષાય છે. રિસર્ચમાં કહેવાયું છે કે પુરુષોમાં રસ ન રાખનારી મહિલાઓની માનસિકતા પર પણ ખુલાસો કરવામાં આવ્યો છે.
આ કારણે મહિલાઓ નથી પસંદ કરતી દાઢીવાળા પુરુષો
કેટલીક મહિલાઓ વાળમાં જૂ કે બેક્ટેરિયાના કારણે દાઢીવાળા પુરુષોને પસંદ કરતી નથી. રિસર્ચના અનુસાર ક્લીન શેવ કરનારા પુરુષોને પસંદ કરનારી મહિલાઓ જૂ અને બેક્ટેરિયાના ભયથી પીડાય છે. અને સાથે તેની સરખામણીએ દાઢીવાળા પુરુષોમાં જરાય રસ રાખતી નથી.
આ રીતે કરાયું સેમ્પલિંગ અને રેટિંગ
અમેરિકાની લગભગ 1000 મહિલાઓ પર સર્વે કરવામાં આવ્યો હતો. તેમાં તેના પાર્ટનરના ફેસ પર દાઢીને લઈને પ્રશ્નો કરવામાં આવ્યા હતા. શોધકર્તાઓએ 18-70 વર્ષની 919 મહિલાઓ પર સર્વે કર્યો અને સાથે તેને અલગ અલગ પુરુષોના 30 ફોટો દેખાડવામાં આવ્યા હતા. ફૂલ બિયર્ડ કે દાઢી વિનાના લોકોના ફોટો બતાવવામાં આવ્યા. આ સિવાય ફોટોશોપની મદદથી કેટલાક પુરુષોના ચહેરાને સોફ્ટ કરીને દેખાડવાની કોશિશ કરવામાં આવી તો કેટલાકને વધારે પૌરુષત્વ સાથે દેખાડાયા.
જે પુરુષોને વધારે પ્રભાવિત દેખાડાયા હતા તેમના ચહેરામાં ફેરફાર કરાયા. જેમકે મોટો ફેસ, ઊંડી આંખો, ગાલમાં ફોટોશોપથી બદલાવ કર્યા હતા. મહિલાઓએ આ ફોટો જોયા બાદ આકર્ષણ માટે લોન્ગ ટર્મ કે શોર્ટ ટર્મ રિલેશનશીપના આધારે શૂન્યથી લઈને 100નું રેટિંગ આપ્યું હતું.
સર્વેમાં આ પરિણામ આવ્યું
પરિણામમાં જાણવા મળ્યું કે મહિલાઓએ બિયર્ડ રાખનારા પુરુષોને વધારે રેટિંગ આપ્યું છે. જે પુરુષોએ ફેસ પર દાઢી રાખી હતી તેમને વધારે પસંદ કરવામાં આવ્યા હતા. આ સાથે જે મહિલાઓના મનમાં બેક્ટેરિયા કે ગંદગીનો ડર વધારે રહે છે તે મહિલાઓએ આ પુરુષોને પસંદગી આપી ન હતી.