આજકાલ પુરુષોમાં દાઢી રાખવાની ફેશન વધી રહી છે, ક્રિકેટના મેદાનથી લઇને બોલિવુડના સેલિબ્રેટીઝ આજના સમયમાં આ ફેશન ફૉલો કરી રહ્યા છે. દાઢી રાખનારા પુરુષો માટે ખુશખબર છે. એક રિસર્ચ અનુસાર, ચહેરા પર દાઢી રાખનારા પુરુષોથી સ્ત્રીઓ વધારે આકર્ષિત થાય છે.
રિસર્ચર્સ અનુસાર, દાઢી રાખનારા પુરુષો શારીરિક અને સામાજિક રીતે વધારે પ્રભાવશાળી હોય છે. આજ કારણથી મહિલાઓ તેમનાથી વધારે આકર્ષિત થાય છે. રિસર્ચમાં દાઢી વધારનારા પુરુષોમાં રસ ના ધરાવતી સ્ત્રીઓની માનસિકતા વિશે પણ વાત કરવામાં આવી છે.
વાસ્તવમાં, કેટલીક મહિલાઓને વાળમાં જૂ અથવા તો બેક્ટેરિયાથી ડર હોય તેઓ દાઢી વાળા પુરુષ પસંદ કરતી નથી. રિસર્ચ અનુસાર, ક્લીન શેવ કરનારા પુરુષોને પંસદ કરનારી મહિલાઓ જૂ અથવા તો બેક્ટેરિયાથી ડરી ગયેલી હોય છે જેથી તેઓ દાઢીવાળા પુરુષ પસંદ કરતી નથી.
આ શોધ અમેરિકાની લગભગ 1000 મહિલાઓ પર કરવામાં આવી જેમાં તેમને પાર્ટનરના ફેસ પર દાઢીને લઇને સવાલ કરવામાં આવ્યા હતા. ઓસ્ટ્રેલિયાની યૂનિવર્સિટી ઑફ ક્વીંસલેન્ડના રિસર્ચર્સે આ રિસર્ચમા 18 થી 70 વર્ષની કુમલ 919 મહિલાઓને શામેલ કરી અને અલગ-અલગ 30 પુરુષોના ફોટો બતાવ્યા.
આ ફોટોમાં ફૂલ બિયર્ડ અને દાઢી વગરના લોકોની ફોટો હતી, આ સાથે જ ફોટો શૉપની મદદથી કેટલાક પુરુષોના ચહેરાને સોફ્ટ બતાડવાનો પ્રયત્ન કરવામાં આવ્યો તો કેટલાકને વધારે મર્દાના બતાવવામાં આવ્યા, જે પછી પરિણામ સામે આવ્યુ કે, વધારે મહિલાઓને બિયર્ડ રાખનારા પુરુષો વધારે પસંદ આવે છે.
ટેસા ક્લાર્કસને કહ્યુ કે, બિયર્ડ ફેસને શારીરિક રૂપમાં વધારે મજબૂત અને સામાજિક રીતે વધારે પ્રભાવશાળી બતાવે છે. તો બીજી તરફ મોઢાના અમુક ભાગને ઢાંકી દે છે જેથી વધારે આકર્ષિત લાગે છે. પરંતુ જે મહિલાઓને બેક્ટેરિયા અથવા તો ગંદગીને લઇને વધારે ડર હોય છે, તેઓ બિયર્ડ રાખનારા પુરુષો પસંદ કરતી નથી.