વિવાદ / આ રાજ્યના મહિલા તથા બાળ કલ્યાણ મંત્રીએ પુરુષોને સલાહ આપી કે, ‘થોડી થોડી પી લીધા કરો...’

• મંત્રીએ સલાહ આપી કે થોડી થોડી પી લીધા કરો અને સૂઈ જાવ 
• મંત્રીએ બચાવમાં કહ્યું ફેરવી તોડીને રજૂ કરવામાં આવ્યું નિવેદન
• બે વાર રહી ચૂક્યા છે ધારાસભ્ય

મંત્રીએ સલાહ આપી કે થોડી થોડી પી લીધા કરો અને સૂઈ જાવ 

છત્તીસગઢમાં મહિલા અને બાળ કલ્યાણ મંત્રી અનિલા ભેદિયાની એક સલાહ લોકોની વચ્ચે ચર્ચાનો વિષય બની ગઈ છે. પોતાની આ સલાહમાં અનિલા પુરુષોને દારુ પીવાની સલાહ આપી રહ્યા છે. આ વાત તેમણે ગામમાં લોકોને સંબોધિત કરતા કહી હતી. તેમણે કહ્યું કે થોડી થોડી પી લીધા કરો અને સૂઈ જાવ. મંત્રીની આ અજીબ સલાહ બાદ તે વિવાદમાં ઘેરાયી છે.

મંત્રીએ કહ્યું ફેરવી તોડીને રજૂ કરવામાં આવ્યું નિવેદન

આ નિવેદન બાદ ઉભા થયેલા વિવાદ પર અનિલા ભેદિયાએ કહ્યું કે તેમના નિવેદન સાથે છેડછાડ કરી રજૂ કરવામાં આવ્યું છે. તેમણે આને એક રાજકીય છેડછાડ ગણાવી.  એક જાણીતા અંગ્રેજી અખબાર મુજબ અનિલાએ કહ્યું કે હું તે પુરુષોને સંબોધિત કરી રહી હતી જે દારુના વ્યસની બની ચૂક્યા છે. મે તેમને થોડું પીવાની સલાહ  આપી હતી. તેમણે સ્પષ્ટતા કરી કરતા કહ્યું કે મે ત્યાં લોકોને સલાહ આપી હતી કે મહિલાઓને ઘરના કામકાજના ચાલતા ઘણો તણાવ સહન કરવો પડી રહ્યો છે. એટલા માટે મે પુરુષોને દારુ  છોડવાની વાત કરી હતી.

બે વાર રહી ચૂક્યા છે ધારાસભ્ય

ઉલ્લેખનીય છે કે 2 વાર ધારાસભ્ય રહી ચૂકેલા મંત્રી અનિલા રાયપુરથી 120 કિમી દૂર બલોદ જિલ્લાના સિંહોલા ગામમાં પહોંચ્યા હતા. આ ગામ તેમની વિધાનસભા વિસ્તારમાં આવે છે. આ દરમિયાન તેમને જાણકારી મળી હતી કે આ ગામમાં દારુનો વપરાશ ઘણો વધી ગયો છે.