પંજાબ-હરિયાણ હાઇકોર્ટે એક કેસમાં ટિપ્પણી કરતા કહ્યું કે મહિલાનું બીજી વ્યક્તિ સાથે અફેર તેમના પતિની સાથે માનસિક ત્રાસ હેઠળ આવે છે. જેના આધારે તેઓ લગ્ન તોડવા માટે હકદાર પણ છે. જસ્ટિસ રાજન ગુપ્તા અને જસ્ટિસ મંજરી નેહરૂ કૌલની ડિવિઝન બેન્ચે કહ્યું કે જો આને ક્રૂરતા નહીં માનવામાં આવે તો ક્રૂરતા નહીં માનવામાં આવે તો ક્રૂરતાની સાચી પરિભાષા શું હશે? કોર્ટને પણ આનો અંદાજ નથી.
બીજા કોઇ સાથે અફેરને સાબિત કરવા માટે મેસેજ-ઇમેઇલ પર્યાપ્ત પુરાવા
મારા લગ્ન બચાવવા ઘણા પ્રયત્નો કર્યા પણ અસફળ રહ્યોઃ પતિ
લગ્નમાં ત્રાસની સચોટ પરિભાષા સંભવ નથીઃ કોર્ટ
કોર્ટે મહિલાની અરજી રદ કરતા આ નિર્ણય લીધો છે. મહિલાએ ગુરૂગ્રામ ફેમિલી કોર્ટના છૂટાછેડા અંગેના નિર્ણય વિરૂદ્ધ હાઇકોર્ટમાં અપીલ કરી હતી. લગ્નના આ આધાર પર છૂટાછેડાનો નિર્ણય પંસદ કરવામાં આવ્યો કે મહિલાનું બીજી કોઇ વ્યક્તિ સાથે અફેર હતું અને જેને લઇને પતિ તણાવમાં હતો.
ફેમિલીકોર્ટના નિર્ણયને પડકાર આપતા મહિલાએ હાઇકોર્ટમાં પોતાની અપીલમાં કહ્યું હતું કે ફેમિલી કોર્ટ આ સત્યને આંકવામાં અસફળ રહી કે તેના વિરૂદ્ધ ત્રાસના આરોપ પર તેમના પતિને કોઇ નક્કર પૂરાવાઓ રજૂ કરવામાં આવ્યા ન હતા.
હનીમૂન દરમિયાન પણ મહિલાએ સંબંધ બાંધવાની ના પાડી
તેમણે પોતાની અપીલમાં તર્ક આપ્યો કે આ આરોપોને સામાન્ય મતભેદ કે ગેરસમજ પણ કહી શકાય છે જો કે દરેક લગ્નમાં થાય છે. દંપતીના લગ્ન 2014માં થયા હતા અને તેમને કોઇ બાળક પણ નથી. બીજી તરફ પતિએ આરોપ લગાવ્યો છે કે તેમની પત્નીનો વ્યવહાર તેમના અને તેમના પરિવાર પ્રત્યે ખુબ ખરાબ અને યોગ્ય નથી. ત્યાં સુધી કે હનીમૂન દરમિયાન પણ મહિલાએ તેમની સાથે સંબંધ બાંધવાની ના પાડી હતી.
મારા લગ્ન બચાવવા ઘણા પ્રયત્નો કર્યા પણ અસફળ રહ્યો
વ્યક્તિએ એમ પણ જણાવ્યું કે તેમની પત્નીને બીજા કોઇ સાથે અફેર છે અને મેસેજ-ઇમેઇલ તરીકે તેને સાબિત કરવા માટે પર્યાપ્ત પુરાવા પણ છે. વ્યક્તિએ કહ્યું કે તે ઘણો તણાવમાં આવ્યો હતો. તેમણે કહ્યું કે તેમણે પોતાના લગ્ન બચાવવાના ઘણા પ્રયત્નો કર્યા પરંતુ અસફળ રહ્યા.
લગ્નમાં ત્રાસની સચોટ પરિભાષા સંભવ નથીઃ કોર્ટ
બન્ને પક્ષોને સાંભળ્યા બાદ હાઇકોર્ટે આકલન કર્યું કે લગ્નમાં ત્રાસની સચોટ પરિભાષા આપવી સંભવ નથી. કોર્ટે એમ પણ કહ્યું કે જાણવા મળ્યું કે, મહિલાએ બીજા વ્યક્તિ સાથે ઇ-મેઇલ એક્સચેન્જ કરવાની વાત સ્વીકારી અને પતિ પાસે માફી પણ માંગી. મહિલાએ પોતાના પતિ વિરૂદ્ધ ખોટા આરોપો લગાવતા એફઆઇઆર દાખલ કરી હતી, જેમાં બાદમાં તેમનો નિર્દોષ છૂટકારો થયો હતો.