ભારે કરી / પારિવારીક ઝઘડામાં મહિલાએ ઝેર ગટગટાવી લીધું, જીવતી બચી જતાં કહ્યું-બજારમાં હવે ઓરિજનલ ઝેર નથી મળતાં

• મધ્ય પ્રદેશમાંથી વિચિત્ર કિસ્સો સામે આવ્યો
• પારિવારીક ઝઘડાના કારણે મહિલાએ ઝેર ગટગટાવી લીધું
• જીવતી બચી જતાં કહ્યું-ઓરિજનલ ઝેર મળતા નથી

મધ્ય પ્રદેશમાંથી એક વિચિત્ર કિસ્સો સામે આવ્યો છે. છત્તરપુરમાં એક ગર્ભવતી મહિલાએ પારિવારીક ઝઘડાના કારણે ઝેર ગટગટાવી ગઈ હતી. જેથી સારવાર માટે તેને જિલ્લાની સરકારી હોસ્પિટલમાં દાખલ કરવામાં આવી હતી. જો કે, સારી વાત એ છે કે, હાલમાં મહિલાની તબિયત સારી છે. જો કે, મહિલા સાથે જ્યારે મીડિયાએ વાત કરી તો, તેણે અજીબોગબીર નિવેદન આપ્યું હતું. આ મહિલાએ કહ્યું હતું કે, હવે બજારમાં ઓરિજનલ ઝેર નથી મળતું. 

ઝેર પીવા છતાં મહિલા બચી ગઈ

કહેવાય છે કે, છતરપુર જિલ્લાના ગઢીમલહરાના વોર્ડ નંબર 5માં રહેતી અનીત બેલદા પતિ-પ્રેમ સિંહ બેલદાએ પારિવારીક ઝઘડાના કારણે ઝેર પી લીધું હતું. મહિલા 6 મહિનાની ગર્ભવતી હતી. જેવી અનિતાની તબિયત ખરાબ થઈ કે, પરિવારના લોકો તેને સ્વાસ્થ્ય કેન્દ્ર લઈને પહોંચ્યા હતા. જ્યાં પ્રાથમિક સારવાર બાદ તતેને જિલ્લા હોસ્પિટલમાં રેફર કરવામા આવી હતી. મહિલાને હવે પેટમાં ઉછરી રહેલા બાળકની ચિંતા સતાવવા લાગી છે. જો કે, ડોક્ટર્સના જણાવ્યા અનુસાર રિપોર્ટ આવ્યા બાદ જ ગર્ભસ્થ શિશુ વિશે કંઈ પણ કહી શકશે તેવી વાત જણાવી હતી.