વડા પ્રધાને સુપર માર્કેટમાં એક એવી માતાને મદદ કરી, જે પોતાનું પર્સ ઘરે ભૂલી ગઈ હતી. મહિલા પોતાનાં બે બાળકોને લઈ શોપિંગ કરવા આવી હતી. તે સુપર માર્કેટમાં કરિયાણાનો સામાન લેવા આવી હતી.
ન્યૂઝીલેન્ડના વડા પ્રધાન જેસિંડા આર્ડન એક વાર ફરી ચર્ચામાં છે. આ વખતે તેમણે સુપર માર્કેટમાં એક એવી માતાને મદદ કરી, જે પોતાનું પર્સ ઘરે ભૂલી ગઈ હતી. મહિલા પોતાનાં બે બાળકોને લઈ શોપિંગ કરવા આવી હતી. તે સુપર માર્કેટમાં કરિયાણાનો સામાન લેવા આવી હતી.
સામાન લીધા બાદ લાઈનમાં ઊભાં રહીને જ્યારે તે બિલ ચૂકવવા માટે પહોંચી તો તેણે જોયું તો તે પોતાનું પર્સ ભૂલી ગઈ છે. તે પરેશાન થવા લાગી હતી ત્યારે તેમની પાછળ ઊભેલા વડા પ્રધાન જેસિંડા આર્ડને આગળ આવીને તેનું બિલ ચૂકવી દીધું હતું.
ગયા મહિને પણ વડા પ્રધાન જેસિંડાની દુનિયાભરમાં ખૂબ જ ચર્ચા થઈ હતી. જ્યારે ક્રાઈસ્ટચર્ચની બે મસ્જિદમાં થયેલા હુમલા બાદ તે બુરખો પહેરીને પીડિતાેની હાલત જોવા પહોંચ્યા હતા. આ વખતે તેમણે એક એવી મહિલાને કરી, જે પોતાનાં બે બાળકોને લઈ કરિયાણાનો સામાન ખરીદવા આવી હતી અને પર્સ ભૂલવાના કારણે ખૂબ જ પરેશાન હતી.
મહિલાની મિત્રએ આ સમગ્ર ઘટના ટ્વિટર પર શેર કરી હતી. ગુરુવારે સવારે પણ મીડિયામાં આ વાતની ખૂબ જ ચર્ચા રહી અને ચારે બાજુ વડા પ્રધાનનાં વખાણ થવા લાગ્યાં હતાં. એક રિપોર્ટરે જેસિંડા આર્ડન પાસે આ ઘટનાને કન્ફર્મ કરી જેસિંડા આર્ડને માત્ર એટલું કહ્યું હતું કે તેમણે આ મહિલાને મદદ માત્ર એટલે કરી, કેમ કે તે પણ એક માતા હતી.