મોર ભારતનું રાષ્ટ્રીય પક્ષી છે, મોર એટલા સુંદર હોય છે કે તેના જેટલા વખાણ કરવામાં આવે તેટલા ઓછા છે. જ્યારે મોર પોતાની પાંખ ફેલાવીને નાચે છે ત્યારે તેની સુંદરતાને દર્શાવવા માટે તમારી પાસે શબ્દો ઓછા પડે છે. મોર જેટલા સુંદર હોય છે એટલા બહાદૂર પણ હોય છે.
મોરે બતાવી પોતાની બહાદૂરી
એક મહિલા મોરના ઈંડા ચોરવાનો પ્રયાસ કરે છે
મોર તેને જોતા જ તેના પર આક્રમકતાથી કરે છે હુમલો
સોશિયલ મીડિયામાં વીડિયો વાયરલ
સોશિયલ મીડિયામાં એક વીડિયો વાયરલ થઇ રહ્યો છે, જેમાં એક મોરની બહાદૂરીને તમે પોતાની આંખથી જોઇ શકો છો. આ વીડિયો ક્યા અને ક્યારનો છે, તેની હજી સુધી કોઈ જાણકારી નથી. વીડિયોમાં બતાવવામાં આવ્યું છે કે એક મહિલા મોરના ઈંડા ચોરવાની જેવી કોશિશ કરે છે, મોર તેને જોતા જ તેના પર આક્રમકતાથી હુમલો કરી દે છે અને તેને જમીન પર પાડી દે છે. આખો વીડિયો જોયા બાદ તમે મોરની બહાદૂરીના વખાણ કરશો.
મોરે બહાદૂરીપૂર્વક મહિલાને જમીન પર પછાડી
વાયરલ વીડિયોમાં તમે જોઇ શકો છો કે ખુલ્લી જગ્યામાં મોરે ઘણા ઈંડા મુક્યા છે. મોર પણ ત્યાં બેઠો છે ત્યારે એક મહિલા આવે છે અને તે મોરને પોતાના હાથમાં પકડીને બીજી જગ્યાએ ફેંકી દે છે અને તેના ઈંડા ઉપાડવા લાગે છે ત્યારે મોર ખૂબ તેજીથી હવામાં ઉડીને આવે છે અને મહિલા પર ખરાબ રીતે હુમલો કરે છે. તમે વીડિયોમાં જોઇ શકો છો કે કેવીરીતે મોરે ખૂબ બહાદૂરીપૂર્વક મહિલાને જમીન પર પછાડી દીધી અને તેના પર બેસી જાય છે. આ વીડિયોને ટ્વિટર પર @issawooo નામના યુઝરે શેર કર્યો છે. વીડિયો ઝડપથી વાયરલ થઇ રહ્યો છે. વીડિયોને અત્યાર સુધી 3 લાખથી વધુ વખત જોવામાં આવ્યો છે. આ સાથે વીડિયોને 34 હજારથી વધુ વખત રિટ્વિટ પણ કરવામાં આવ્યો છે. વીડિયોમાં યુઝર્સ ઘણી કોમેન્ટ્સ કરી રહ્યાં છે. શું તમે ક્યારેય મોરને કોઈની પર હુમલો કરતા જોયો છે?