સોશિયલ મીડિયા અને ઈન્ટરનેટ પર આપણી નાનકડી બેદરકારી પર ઘણીવાર મુશ્કેલી ઊભી કરી શકે છે. તેવું જ કંઇક મુંબઇની એક મહિલા સાથે થયું છે જેમણે પોતાની RAC ટિકીટની ડિટેલ્સ સોશિયલ મીડિયા પર શેર કરી હતી. સ્કેમર્સે મહિલાની ભૂલનો ફાયદો ઊઠાવી 65 હજાર રૂપિયા ઠગી લીધાં.
IRCTCનાં નામે મહિલા સાથે થઇ છેતરપિંડી
સ્કેમરે મહિલાનાં એકાઉન્ટમાંથી ઠગ્યાં 64 હજાર રૂ.
મહિલાએ કર્યું હતું ટ્વિટ
આજકાલ સોશિયલ મીડિયા અને ઈન્ટરનેટ પર તમારો ડેટા લીક થવો કે હેકર દ્વારા સાયબર ક્રાઇમ થવા જેવા અનેક બનાવો સામે આવતાં હોય છે. ત્યારે IRCTCનાં નામે પણ આવો કોઇ મામલો સામે આવશે તેવું વિચારી પણ ન શકાય. તેવું જ કંઇક મુંબઇની એક મહિલા સાથે થયું છે જેમણે પોતાની RAC ટિકીટની ડિટેલ્સ સોશિયલ મીડિયા પર શેર કરી હતી. સ્કેમર્સે મહિલાની ભૂલનો ફાયદો ઊઠાવી 65 હજાર રૂપિયા ઠગી લીધાં.
આ છે સમગ્ર મામલો
મહિલા પોતાની RAC ટિકીટની અપડેટ જાણવા ઇચ્છતી હતી અને તે માટે તેણે ટ્વિટર પર IRCTCને ટેગ કરીને ટ્વિટ કર્યું હતું. આ ટ્વીટમાં તેમણે પોતાના મોબાઇલ નંબર અને ટિકીટની અન્ય માહિતીઓ શેર કરી હતી. એમ.એન.મીણાએ IRCTCની વેબસાઇટથી 14 જાન્યુઆરી માટે ત્રણ ટીકિટ બુક કરી હતી. જો કે તેમની આ ટિકીટો RAC થઇ ગઇ. તેમણે પોતાની ટિકીટની ઇન્કવાયરી માટે પોતાનો મોબાઇલ નંબર અને ટ્રેન ટિકીટ IRCTCને ટેગ કરી પોસ્ટ કર્યું હતું. તેમની આ ભૂલનો ફાયદો સ્કેમર્સે ઊઠાવ્યો અને તેમને ઠગી લીધું.
2 રૂપિયાની પેમેન્ટ કરતાં 64 હજાર રૂપિયા કટ
ટ્વીટ કર્યાંનાં થોડા સમય બાદ એમ.એન.મીણાને સ્કેમર્સે કોલ કર્યો. સ્કેમર્સે પોતાને IRCTCનો કસ્ટમર સપોર્ટ એક્ઝીક્યૂટીવ જણાવ્યો અને RAC ટિકીટ કન્ફર્મ કરવામાં મદદ કરવાની વાત કરી. ત્યારબાદ સ્કેમરે મહિલાનાં ફોન પર લિંક મોકલી અને તેની પાસેથી તમામ ડિટેલ્સ ભરવા માટે કહ્યું. આ સાથે જ સ્કેમરે તેને 2 રૂપિયાનું ટ્રાન્ઝેક્શન કરવા માટે પણ કહ્યું. પીડિતાએ સ્કેમરે જેમ કહ્યું એવું કર્યું. પ્રોસેસ ફોલો કરતાંની સાથે જ તેમના એકાઉન્ટમાંથી 64,011 રૂપિયાનાં ટ્રાન્ઝેક્શનનો મેસેજ આવી ગયો.
મહિલા તરત પહોંચી પોલીસ સ્ટેશન
જ્યારે મહિલાને સમજાયું કે તેને ઠગવામાં આવ્યું છે ત્યારે તરત જ આ મહિલા પોલીસ પાસે પહોંચી ગઇ. વિલે પાર્લે પોલીસ સ્ટેશનમાં આ મામલાને નોંધવામાં આવ્યો અને તપાસ શરૂ થઇ. પોલીસ અનુસાર મહિલાએ ઠગી ગયાં બાદ તે નંબર પર ઘણીવાર ફોન કર્યો પણ ફોન બંધ આવે છે.