હની ટ્રેપ / તમારી સાથે ફ્રેન્ડશિપ કરવી છે ! મીઠી મીઠી વાતો કરીને ફસાવતી મહિલાનો ભાંડો ફુટ્યો, ડોક્ટરને લગાવ્યો 9 લાખનો ચૂનો

• મીઠી મીઠી વાતો કરીને ફસાવતી મહિલાના ભાંડા ફોડ થયો
• રાજસ્થાનના ભીલવાડામાંથી મહિલા ઝડપાઈ
• ડોક્ટરને ફોસલાવી 9 લાખ રૂપિયા પડાવી લીધા

હની ટ્રેપની જાળમાં ફસાવીને ડોક્ટર પાસેથી 9 લાખ રૂપિયા પડાવનારી મોનિશાને પોલીસે રાજસ્થાનના ભીલવાડામાંથી ધરપકડ કરી છે. જોયા ઉર્ફ મોનિશા મધ્ય પ્રદેશના દેવાસ શહેરની હાઈ પ્રોફાઈલ હની ટ્રેપ મામલામાં આરોપી છે. મોનિસાએ દેવાસની નર્સિંગ હોમ સંચાલક અને ડોક્ટરને પોતાની જાળમાં ફસાવીને તેને બર્બાદ કરી નાખ્યા. ડોક્ટર પવન કુમાર ચિલ્લોરિયાએ 11 પાનાની ફરિયાદ આપીને પોલીસને 19 ઓગસ્ટના રોજ મોનિશા ડેવિડ ઉપરાંત દેવાસના ડોક્ટર સંતોષ દાભાડે, ડોક્ટર મહેન્દ્ર ગાલોદિયા વિરુદ્ધ કલમ 384, 120બી અંતર્ગત ફરિયાદ નોંધાવી હતી. 

રુપ લલનાઓના દેહ અને તેમની અદા પાછળ ફીદા થતાં લોકોને બ્લેકમેલનો શિકાર બનાવીને કાળો કારોબાર શરુ થાય છે. જોયાની ધરપકડથી હવે હની ટ્રેપના કેટલાય રાજ ખુલશે. કહેવાય છે કે, આરોપીઓએ ડોક્ટરને બ્લેકમેલ કરીને તેની પાસેથી 9 લાખ પડાવ્યા હતા. પોલીસે આ હાઈપ્રોફાઈલ મામલામાં શહેરના ત્રણ વકીલોના પણ નિવેદન ટાંક્યા છે. 

હની ટ્રેપમાં ડોક્ટરને ફસાવવાનો શું છે આખો મામલો

હકીકતમાં જોઈએ તો, એક નર્સિંગ હોમ સંચાલક ડોક્ટર પવન કુમાર ચિલ્લોરિયા પાસેથી મોનિશા અને બે ડોક્ટર્સ મળીને 9 લાખ પડાવ્યા હતા. જ્યારે આ ખેલ ખતમ ન થયો ત્યાં સુધીમાં પીડિત ડોક્ટરે પોલીસ સ્ટેશનમાં રિપોર્ટ નોંધાવ્યો. પોલીસે ડોક્ટર પવન કુમારની ફરિયાદ પર 19 ઓગસ્ટના રોજ રાજસ્થાનના ભીલવાડાની રહેવાસી જોયા ઉર્ફ મોનિશા ડેવિડ અને દેવાસના કૈલાદેવી રોડ નિવાસી ડોક્ટર સંતોષ દાભડે અને ટોંકખુર્દ રહેવાસી ડોક્ટર મહેન્દ્ર ગાલોદિયા વિરુદ્ધ આઈપીસીની કલમ 684 અને 120 બી અંતર્ગત કેસ નોંધી તપાસ હાથ ધરી હતી. 

આપ સારા માણસ છો, આપની સાથે દોસ્તી થઈ શકશે

ડોક્ટર પવન કુમાર ચિલ્લોરિયાએ 11 પેજની અરજીમાં પોલીસને જણાવ્યું હતું કે, તેની પાસે એક કોલ આવ્યો હતો. જેમાં મહિલાએ કહ્યું કે, આપ ડોક્ટર સિંઘલ બોલી રહ્યા છો, તો મેં કહ્યું કે, નહીં આપને મારો નંબર કોણે આપ્યો ? ત્યારે તેણે કહ્યું કે, હું જોયા વાત કરી રહ્યું છે. ડોક્ટર સિંઘલ સાથે વાત કરવી હતી. પણ આપનો નંબર લાગી ગયો. બાદમાં ફરી વાર ફોન આવ્યો અને મહિલા બોલી કે, આપની સાથે વાત કરી તો લાગ્યું કે, આપ સારા માણસ છો, આપની સાથે દોસ્તી કરી શકાય. બસ અહીંથી ચક્કર ચાલુ થયા અને હની ટ્રેપની જાળમાં ફસાવીને મારી પાસેથી 9 લાખ રૂપિયા પડાવી લીધા. 

એક પછી એક કેટલાય ચહેરા સામે આવતા ગયા

ડોક્ટરની 11 પેજની અરજી પર પોલીસ તપાસ શરુ કરી અને શહેરના ત્રણ વકીલોને નોટિસ જાહેર કરીને નિવેદનો નોંધવામાં આવ્યા. માનવામા ંઆવી રહ્યું છે. આમા હજૂ કેટલાય રહસ્યો ખુલવાના બાકી છે. એક પછી એક કેટલાય ચહેરા સામે આવી રહ્યા છે. ગુરુવારે સવારે દેવાસ પોલીસે ભીલવાડાથી હની ગર્લ જોયા ઉર્ફ મોનિસા ડેવિડની ધરપકડ કરી. પોલીસ હવે જોયાને કોર્ટમાં રજૂ કરશે.