ફરિયાદ / અમદાવાદની શરમજનક ઘટના : 'તને મારા પિતાએ અહીં સુવડાવવા બોલાવી છે, તુ અપેક્ષા અપેક્ષા ન રાખતી કે...'

• 'તને અમે દ્રૌપદીની જેમ રાખીશું' કહી પતિએ પત્નીને ત્રાસ આપ્યો
• દહેજ ભૂખ્યા પતિએ દસ લાખ, રોયલ એનફિલ્ડ બાઇક પણ માગ્યું
• કંટાળીને યુવતીએ તેનાં સાસરિયાંના નવ સભ્યો સામે પોલીસ ફરિયાદ નોંધાવી

અમદાવાદ શહેરના ચાંદખેડા વિસ્તારમાં રહેતી 26 વર્ષની યુવતીનાં વર્ષ 2018માં સાબરમતીના એક યુવક સાથે કોર્ટમાં થયાં હતાં. ત્યારબાદ આ યુવતી તેના પતિ, સાસુ-સસરા, જેઠ-જેઠાણી સહિતના લોકો સાથે સંયુક્ત પરિવારમાં રહેવા લાગી હતી. લગ્નના એકાદ મહિના બાદ યુવતીનાં સાસુ-સસરા તેને વારંવાર કહેતાં કે મારા દીકરાને દેવાદાર કરી દીધો છે અને મારા દીકરાને તેં પોલીસ સ્ટેશન બતાવ્યું છે તો અમે તને શાંતિથી રહેવા દઈશું નહીં, એટલું જ નહીં, આ યુવતીનો પતિ પણ કહેતો હતો કે તને મારા પિતાએ અહીંયાં સુવડાવવા બોલાવી છે અને મારી પાસેથી કોઇ બાળકની અપેક્ષા રાખતી નહીં.

દહેજ ભૂખ્યા પતિએ પત્નીને દસ લાખ રોકડા અને રોયલ એનફિલ્ડ બાઇક પિયરથી લાવવાનું પણ કહ્યું

આ સિવાય યુવતીને 10 લાખ રૂપિયા અને રોયલ એનફિલ્ડ બાઇક પણ પિયરથી લાવવાનું પતિએ કહ્યું હતું, જોકે યુવતીએ ના પાડતાં તેને માર મારવામાં આવ્યો હતો. પતિ વારંવાર આ યુવતીને ગંદી ગાળો બોલી કહેતો કે, 'તને અમે દ્રૌપદીની જેમ રાખીશું, જોકે સંસાર ન બગડે તે માટે અવારનવાર આ યુવતી પ્રયાસ કરતી હતી, છતાંય તેને ઘરમાંથી ધક્કા મારી સાસરિયાંએ કાઢી મૂકી હતી. સમગ્ર બાબતોથી કંટાળીને યુવતીએ તેનાં સાસરિયાંના નવ સભ્યો સામે પોલીસ ફરિયાદ નોંધાવતાં મહિલા પોલીસે આ મામલે તપાસ શરૂ કરી છે.