ભારે કરી! / VIDEO : ગરમ સૂપના લીધે મહિલાએ ગુમાવ્યો પિત્તો, રૅસ્ટોરન્ટમાં કર્યો એવો કાંડ કે પોલીસ થઇ ગઇ શોધતી

• સુપને લઇને ગુસ્સે થઇ ગઇ મહિલા
• મેનેજર સાથે બબાલ કરવા લાગી
• મેનેજર પર સુપ ફેંકીને થઇ ગઇ ફરાર

નસુપને લઇને ઝઘડો
અમેરિકામાં એક મહિલા રેસ્ટોરન્ટની સર્વિસને લઇને ખુબ નારાજ થઇ હતી. તેણે મેનેજર સાથે આ વાતને લઇને ઝઘડો કર્યો અને નારાજ થયેલી કસ્ટમરે ગરમ સૂપ મેનેજરના મોઢા પર ફેંક્યો હતો. મેનેજરને આ ઘટનાથી ખાસ કોઇ ઇજા થઇ નહી પરંતુ સમગ્ર ઘટના CCTVમાં કેદ થઇ ગઇ હતી. આરોપી મહિલા સાથે એક પુરુષ પણ હતો. આ ઘટના બાદ બંને ત્યાંથી ફરાર થઇ ગયા હતા. 

ફોન પર થયો ઝઘડો
એક રિપોર્ટ અનુસાર આ ઘટના ટેક્સાસ સ્થિત મેક્સિકન રેસ્ટોરન્ટ સોલ ડી જલિસ્કોમાં ઘટી હતી. મહિલાએ સુપ ઓર્ડર કર્યો હતો. ડિલીવરીના થોડા સમય બાદ મહિલાએ રેસ્ટોરન્ટને કોલ કર્યો અને મેનેજરને ફરિયાદ કરવા લાગી હતી. મહિલાનું કહેવું હતુ કે સુપ એટલો ગરમ હતો કે તેના કારણે પ્લાસ્ટિકનું ઢાંકણું પણ પીગળવા લાગ્યું હતું. ફોન પર બબાલ બાદ તે સીધી રેસ્ટોરન્ટ પહોંચી ગઇ હતી. 

ફરાર થઇ મહિલા
રેસ્ટોરન્ટ પહોંચ્યા બાદ આરોપીએ મેનેજરને સુપનો ડબ્બો બતાવ્યો અને ઝઘડો કર્યો. બંને વચ્ચે ઘણો સમય બબાલ ચાલી અને અચાનક મહિલાએ મેનેજરના મોઢા પર સુપ ફેંક્યુ અને ત્યાંથી ભાગી ગઇ હતી. મેનેજરે તેને પકડવાનો પ્રયત્ન કર્યો પરંતુ તે સફળ ન થઇ શક્યો. 

મેનેજરે રિફંડનો ઓપ્શન પણ આપ્યો હતો
પોલીસનું કહેવું છે કે મહિલા કોણ છે તે વાતની જાણકારી હજુ મળી નથી. મહિલાના આરોપ પર મેનેજરે તેની માફી માંગી અને પૈસા પરત કરવાનો ઓપ્શન આપ્યો પરંતુ તે નારાજ થઇને અપશબ્દો બોલવા લાગી અને સુપ ફેંકીને ભાગી ગઇ હતી. 

ફરાર મહિલાને શોધી રહી છે પોલીસ
પોલીસનું કહેવું છે કે આ ઘટનામાં કોઇ ઘાયલ થયું નથી. સુપ ઠંડો થઇ ગયો હતો એટલે મેનેજરને નુકસાન થયુ નથી. આંખોમાં તેને બળ્યું ત્યારે લાગ્યું કે બધુ સમાપ્ત પરંતુ ભગવાનની કૃપાથી કંઇ થયું નહી, ફૂટેજની મદદથી પોલીસ મહિલાને શોધી રહી છે.