પોતાની માતાની જે ડોક્ટરે ડિલિવરી કરાવીને જન્મ અપાવવામાં મદદ કરી હતી તે ડોક્ટરની સામે જ પુત્રીએ કોર્ટમાં કેસ કર્યાનો એક તદ્દન નવા કિસ્સો પ્રકાશમાં આવ્યો છે.
દુનિયાનો પહેલો કિસ્સો
કરોડરજ્જુની બીમારથી પીડિત મહિલાએ માતાના ડોક્ટરની સામે કર્યો કેસ
કહ્યું ડોક્ટરે માતાને પ્રેગનન્સી ટાળવાની સલાહ આપી હોત તો તેનો જન્મ ન થયો હોત
કોર્ટે મહિલાનો કેસ સ્વીકાર્યો, ડોક્ટરને કરોડો રુપિયાનો દંડ કર્યો
બ્રિટનમાં બનેલી આ ઘટનામાં કરોડરજ્જુની બીમારથી પીડિત મહિલા કે જેનું નામ એવી ટૂમ્બર્સ છે, ગાયનેકોલોજિસ્ટ ડોક્ટરની સામે કોર્ટમાં દાવો માંડ્યો. આ ડોક્ટરે મહિલાની માતાની ડિલિવિરી કરાવી હતી. પીડિત મહિલાએ ડોક્ટરની સામે કોર્ટમાં કેસ કરીને દાવો કર્યો કે જો આ ડોક્ટરે ગર્ભવસ્થામાં તેની માતાને સારી કાળજી લીધી હોત અને સારી સારવાર કરી હોત તો તે ખોડ ખાંપણ વાળી ન જન્મી હોત.
ડોક્ટરે પ્રેગનન્સી ટાળવાની સલાહ આપી હોત તો મારો જન્મ ખોડવાળો ન થયો હોત
એવી ટૂમ્બર્સ એવો પણ દાવો કર્યો કે જો તેની માતાના ડોક્ટર ફિલિપ મિશેલે ગર્ભાવસ્થા દરમિયાન તેની માતાને કરોડરજ્જુની બીમારી દૂર કરવા માટે ફોલિક એસિડની ગોળીઓ ગળવાની સલાહ આપી હોત તો તેણે પ્રેગનન્સી ટાળી દીધી હોત અને આ રીતે મારો જન્મ જ ન થઈ શક્યો હોત.
લંડન હાઈકોર્ટમાં એવીનો કેસ ચાલ્યો હતો જેમાં ઐક ઐતિહાસિક ચુકાદો આપતા જજ રોસલિન્ડે જણાવ્યું કે જો એવીની માતાને સારી સલાહ અપાઈ હોત તો તેણે તેની પ્રેગનન્સી અટકાવી દીધી હોત. જજે કહ્યું કે જો ડોક્ટરે સલાહ આપી હોત તો માતાએ ગર્ભાવસ્થા ટાળી દીધી હોત અને પછીના કોઈ સમયે બીજી પ્રેગનન્સીમાં તંદુરસ્ત બાળકને જન્મ આપી શકી હોત.
જજે ડોક્ટરને કર્યો કરોડો રુપિયાનો દંડ
જજે આ અટપટો કેસ સ્વીકારી લઈને પીડિતાની તરફેણમાં ચુકાદો આપીને ડોક્ટરને કરોડો રુપિયાનો દંડ કર્યો હોવાનું પણ જાણવા મળ્યું છે. કોર્ટે એવું પણ અવલોકન કર્યું કે ડોક્ટર ફિલિપે પીડિતાની માતાની પ્રેગનન્સને ટાળવાની સલાહ આપવાની જરુર હતી અને આ રીતે તે એક ખોડવાળી બાળકીને અવતરતા અટકાવી શક્યા હોત પરંતુ ડોક્ટર આવું કરવામાં નિષ્ફળ રહ્યાં પરિણામ સ્વરુપ ખોડવાળી બાળકી પેદા થઈ જે આગળ જતા મહિલા માટે જીવનમરણનો સવાલ બની.