આંધ્રપ્રદેશના શ્રીકાકુલમ જિલ્લામાં એક મહિલા સબ-ઇન્સ્પેક્ટરે કર્તવ્યની અનોખી મિસાલ રજૂ કરી છે. તેઓ 80 વર્ષના નિઃસહાય વૃદ્ધના બિનવારસી મૃતદેહને પોતાના ખભા પર એક કિલોમીટર સુધી લાવી.
આંધ્રપ્રદેશમાં મહિલા સબ-ઇન્સ્પેક્ટરે રજૂ કરી મિસાલ
80 વર્ષના બિનવારસી વૃદ્ધના મૃતદેહને ખભા પર લઇ ગઇ
ખેતરથી 1 km સુધી પોતાના ખભા પર લઇ ગઇ
આ ઘટના કાજૂ ઇન્ડસ્ટ્રી માટે ફેમસ કાસીબુગ્ગા-પલાસા વિસ્તારમાં બની હતી. ડીજીપી ગૌતમ સાવાંગે મહિલા SIના માનવતાવાદી વલણની પ્રશંસા કરી છે. મહિલા સબ-ઇન્સ્પેક્ટર કોટ્ટૂરૂ સિરિશાએ એક ન્યૂઝ પેપર સાથે વાતચીતમાં જણાવ્યું હતું કે, અમે એક અજ્ઞાત વ્યક્તિના મૃતદેહની માહિતી મળી હતી, જેની ઉંમર 80 વર્ષ આસપાસ હશે. સ્થાનિક લોકોના જણાવ્યા અનુસાર, તેઓ ભિખારી હતા. ખેતરની પાસે પડેલા મૃતદેહને ગાડી સુધી લઇ જવા માટે રોડ નહોતો. અમે ગામલોકોને અપીલ કરી પરંતુ કોઇ સામે ન આવ્યું.
ભૂખના કારણે થયું હોવાનું અનુમાન
વિશાખાપટ્ટનમના રહેવાસી સબ ઇન્સ્પેક્ટરે ખુદ ફાર્મેસીનો અભ્યાસ કર્યો છે. મૃતદેહ પર ઇજાના કોઇ નિશાન ન હોવાથી મોતનું કોઇ શંકાસ્પદ કારણ માનવાનું કારણ પણ નહતું. વૃદ્ધ ઘણા નબળા નજરે આવી રહ્યા હતા અને ભૂખના કારણે તેમનું મોત થયું હોવાનું જણાઇ રહ્યું હતું.
AP Police cares: DGP Gautam Sawang lauds the humanitarian gesture of a Woman SI, K.Sirisha of Kasibugga PS, @POLICESRIKAKULM as she carried the unknown dead body for 2 km from Adavi Kothur on her shoulders & helped in performing his last rites.#WomanPolice#HumaneGesturepic.twitter.com/QPVRijz97Z
જ્યારે મૃતદેહને લઇ જવા માટે કોઇ સામે ન આવ્યું, ત્યારે મહિલા સબ ઇન્સ્પેક્ટર ખુદ આગળ આવ્યા. તેમણે મેકશિફ્ટ સ્ટ્રેચરની મદદથી મૃતદેહને પોતાના ખભા પર ઉઠાવ્યો. આ કામમાં તેમણે લલિતા ટ્રસ્ટના સભ્યની મદદ લીધી. તેમણે પોલીસની ગાડી સુધી પહોંચાડવા માટે 25 મિનીટનો સમય લાગ્યો. આ જોઇને કેટલાક ગામલોકો અંતિમ સંસ્કાર માટે આગળ આવ્યા.
'મેં માત્ર મારી ફરજ નિભાવી'
12 વર્ષના બાળકની માં સિરિશાએ જણાવ્યું કે પિતાનું સપનું દીકરીને પોલીસની વર્દીમાં જોવાનું હતું. મૃતદેહને ખભા પર ઉઠાવવાના અનુભવ વિશે તેમણે કહ્યું કે, મેં લોકોની સવા કરવા માટે પોલીસ ફોર્સ જોઇને કર્યું છે. સમાજને પોતાની સેવા આપવાનું મારુ લક્ષ્ય છે. મૃતકોને પણ સન્માનનો અધિકાર છે. મેં માત્ર મારી ફરજ નિભાવી છે.
મહિલા પોલીસ અધિકારીના આ કામથી ટ્વિટર પર લોકોએ પ્રશંસા કરી. લોકો લખી રહ્યા છે કે તેમના આ કર્મએ લોકોને પ્રેરણા આપી છે. તેમને રિયલ હીરો ગણાવ્યાં. આંધ્રપ્રદેશ પોલીસે પણ તેમનો વીડિયો પોસ્ટ કરીને તેના કાર્યને વધાવ્યું છે.